Gaudeámus omnes in Dómino, diem festum celebrantes sub honóre beátæ Maríæ Vírginis: de cujus sollemnitáte gaudent Angeli et colláudant Fílium Dei, alleluia, alleluia...
Deus, cujus Unigénitus per vitam, mortem et resurrectiónem suam nobis salútis ætérnæ prǽmia comparávit: concéde, quǽsumus; ut, hæc mystéria sacratíssimo beátæ Maríæ Vírginis Rosário recoléntes, et imitémur, quod cóntinent, et quod promittunt, assequámur. Per eúndem Dóminum nostrum.
Exáudi, Dómine, preces nostras: et, interveniénte beáto Marco Confessóre tuo atque Pontífice, indulgéntiam nobis tríbue placátus et pacem. Per Dóminum.
Sanctórum Martyrum tuórum nos, Dómine, Sérgii, Bacchi, Marcélli et Apuléji beáta mérita prosequántur: et tuo semper fáciant amóre fervéntes. Per Dóminum.
Omnípotens et miséricors Deus, univérsa nobis adversántia propitiátus exclúde: ut mente et córpore páriter expedíti, quæ tua sunt, líberis méntibus exsequámur. Per Dóminum.
Today is Wednesday in the 19th week post Pentecosten, the 1st of October. It is the feast of the Holy Rosary of Our Blessed and Ever-Virgin Lady the Immaculate Mother of God, celebrated with the Mass Gaudeamus omnes in Domino. It is also the feast of the Confessor Pope Saint Marc, whose Mass is Si diligis me Simon Petre; this is ordinarily and in most places commemorated. And commemorated also is the feast of the Martyrs Sergius, Bacchus, Marcellus, and Apuleius, also ordinarily and et cetera, whose Mass is Sapientiam Sanctorum narrent populi.
The Roman Martyrology today, for tomorrow October 8th, the 8th day before the Ides of October.
The Mass Si diligis me Simon Petre of the Confessor Pope Saint Mark is here. At some point I must have thought to undertake composing posts with the 'uninflected' Mass formularies, a 'common', as it were; don't believe this went any farther than this single page.
Oratio. Exáudi, Dómine, preces nostras: et, interveniénte beáto Marco Confessóre tuo atque Pontífice, indulgéntiam nobis tríbue placátus et pacem. Per Dóminum.
Secreta. Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.
Postcommunio. Da, quǽsumus, Dómine, fidélibus pópulis Sanctórum tuórum semper veneratióne lætari: et eórum perpétua supplicatióne muníri. Per Dóminum.
The Mass Sapientiam Sanctorum narrent populi of the Martyrs Saints Sergius, Bacchus, Marcellus, and Apuleius is here.
Oratio. Sanctórum Martyrum tuórum nos, Dómine, Sérgii, Bacchi, Marcélli et Apuléji beáta mérita prosequántur: et tuo semper fáciant amóre fervéntes. Per Dóminum.
Secreta. Majestátem tuam nobis, Dómine, quǽsumus, hæc hóstia reddat immolánda placátam, tuórum digna postulatióne Sanctórum. Per Dóminum.
Postcommunio. Sacraméntis, Dómine, muniámur accéptis: et sanctórum Mártyrum tuórum Sérgii, Bacchi, Marcélli et Apuléji intercessióne, contra omnes nequítias irruéntes, annis cœléstibus protegámur. Per Dóminum.
✠ ✠ ✠
Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus. Per Christum Dóminum nóstrum.
Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.
Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.
Omnípotens sempitérne Deus, da nobis fídei, spei et caritátis augméntum: et, ut mereámur asséqui quod promíttis, fac nos amáre quod prǽcipis. Per Dóminum.
Laus Deo Virginique Matri
Comments
Post a Comment