Mitte manum tuam, et cognósce loca clavórum, allelúja: et noli esse incrédulus, sed fidélis, alleluia, allelúja...

Præsta, quǽsumus, omnípotens Deus: ut, qui paschália festa perégimus, hæc te largiénte móribus et vita teneámus. Per Dominum. 

Today is Thursday in the 1st week post Octavam Paschae; there being no feast assigned to this date in the Kalendarium, Sunday's Mass, Quasi modo geniti infantes alleluia, will be offered at Saint-Eugène (unless the priest elects to celebrate a votive Mass); likewise, it is a ferial day at Le Barroux.

Pater Thomas SJ is, as usual, offering today's, Thursday's, Mass, today Quasi modo geniti infantes alleluia, of Sunday.

The Roman Martyrology today, for tomorrow the 15th day before the Kalends of April.

✠   ✠   ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant.

Hic [fons baptismalis, in benedictione in Sabbato Sancto] ómnium peccatórum máculæ deleántur: hic natúra ad imáginem tuam cóndita, et ad honórem sua reformáta princípii, cunctis vetustátis squalóribus emundétur: ut omnis homo, sacraméntum hoc regeneratiónis ingréssus, in veræ innocéntiæ novam infántiam renascátur.
Per Dominum nostrum Jesum Christum, Fílium tuum: Qui ventúrus est judicáre vivos et mórtuos et sǽculum per ignem.
R. Amen.

Laus Deo Virginique Matri