Lauda, Jerúsalem, Dóminum: quóni am confortávit seras portárum tuárum, benedíxit fíliis tuis in te, allelúja, allelúja...

Ant. Crucifíxus surréxit a mórtuis, et redémit nos, allelúja, allelúja.

V. Dícite in natiónibus, allelúja.
R. Quia Dóminus regnávit a ligno, allelúja.

Deus qui pro nobis Fílium tuum Crucis patíbulum subíre voluísti, ut inimíci a nobis expélleres potestátem: concéde nobis fámulis tuis; ut resurrectiónis grátiam consequámur. Per eúmdem Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.

Deus, qui in Filii tui humilitate jacéntem mundum erexisti: fidelibus tuis perpétuam concéde lætítiam; ut, quos perpétuæ mortis eripuísti casibus, gaudiis fácias perfrui sempitérnis. Per eúndem Dóminum.

Deus, qui ineffabili providéntia beátum Joseph sanctíssimæ Genetrícis tuæ sponsum elígere dignátus es: præsta, quǽsumus; ut, quem protectórem venerámur in terris, intercessórem habére mereámur in cœlis: Qui vivis.

Gregem tuum, Pastor ætérne, placátus inténde: et, per beátos Sotérem et Cajum Mártyros tuos atque Summos Pontífices, perpétua protectióne custódi; quos totíus Ecclésiæ præstitísti esse pastóres. Per Dóminum.

Today is Wednesday in the 3rd week post Pascha and it is (it being the Wednesday after the 3rd Easter Sunday) the feast of the Patronage of the Confessor Saint Joseph, Spouse of the Most Blessed Virgin Mary, whose Mass is Adiutor et protector noster est Dominus, with the commemoration of the feast of the Martyrs Popes Soter and Caius (whose Mass is of course Si diligis me Simon Petre). This is as succinct an explanation as I can find at the moment (and I have to 'look it up' in one place or another every single year), from the current Wikipedia article:

In 1870, Pope Pius IX declared Joseph patron of the Universal Church and instituted another feast, a solemnity to be held on the third Sunday of Eastertide. Pope Pius X, in order to restore the celebration of Sundays, moved this feast to the Wednesday in the second week after Easter, and gave it an octave. In 1955, Pope Pius XII introduced in its place the feast of Saint Joseph the Worker on 1 May in the General Roman Calendar as an ecclesiastical counterpart to the International Workers' Day on the same day.

I really cannot recall which Mass is said at Saint-Eugène; we shall see. I have it in the back of my mind (ha; this is because there was a notification yesterday in the electronic calendar here) that there is a Mass in the proper Kalendarium of the Church of Paris today, in Inventione Sanctorum Dionysii Episcopi Rustici et Eleutherii Martyrum. I ought to look to see if I happen to have added that here in some previous year.

I see I scribbled this in 2024, here. The Mass Annunciate inter gentes quóniam omnes dii géntium dæmónia, the principal feast of these Holy Martyrs, is here; still haven't found Posuerunt mortalia servorum tuorum Domine (which is the Mass M Grodziski is  saying today).

M l'Abbé Gubitoso celebrated Holy Mass today at Saint-Eugène, but it is in the Proprium Parisiense the feast of the Invention (that is, of the finding of the relics) of the Martyrs Saints Dionysius, Bishop of Paris, Rusticus and Eleutherius with commemoration of Saints Soter and Caius (the principal feast itself is in October sometime, the Mass Annunciate inter gentes quóniam omnes dii géntium dæmónia). Tsk, I ought to have known this and I know I have the Mass-- Posuerunt mortalia servorum tuorum Domine-- somewhere but I cannot seem to find it, double tsk. The Mass does indeed seem to be different (otherwise than just the Introit, I mean, in the other parts and in the lessons) than the Annunciate inter gentes, although the sequence Gaude prole, Graecia is used for both feasts.

I've left the capitalised first words (which make it more convenient for the alternation by strophe of the organ and the voices singing i.e. the capitalisation indicates, if I'm recalling correctly, that the organ plays that strophe). Hmm. Maybe the other way around. 

 

GAVDE prole, Græcia,

Gloriétur Gállia

Patre Dionysio.

Exsúltet ubérius

Felíci Parísius

Illústris martyrio.

DIES festus ágitur

Quo trium recólitur

Mártyrum victória:

Quorum patrocínio

Tota gaudet régio,

Regni stat poténtia.

JUXTA patrem pósiti,

Bellatóres ínclyti,

Digni sunt memória.

Sed illum præcípue

Récolit assídue

Regális Ecclésia.

HIC a summo Præsule

Diréctus in Gálliam,

Non gentis incrédulæ

Verétur insániam.

Gallórum Apóstolus

Vénerat Lutétiam,

Quam tenébat súbdolus

Hostis velut própriam.

HIC constrúcto Christo templo,

Verbo docet et exémplo,

Corúscat miráculis.

Turba credit, error cedit,

Fides crescit, et claréscit

Nomen tanti præsulis.

HIS audítis, fit insánus

Imperátor inhumánus,

Mittítque Fescénnium,

Qui pastórem animárum,

Fide, vita, signis clarum,

Trahat ad supplícium.

INFLIGUNTUR seni pœnæ,

Flagra, carcer, et caténæ;

Invícta sed constántia

Torménta vincit ómnia.

Recordátus emensórum,

Fortis athléta, labórum,

Per nova gandens prælia,

Ætérna quærit præmia.

IMMOLATI vir beátus

Agni carne saginátus,

Et præsénti roborátus,

Ad certámen númine.

Quam sermóne prædicávit,

Mille signis quam probávit,

Hanc signáre festinávit

Fuso fidem sánguine.

PRODIT Martyr conflictúrus:

Sub secúri stat secúrus;

Ferit lictor

Sicque victor

Consummátur gládio.

Se cadáver mox erexit;

Truncus truncum caput vexit;

Quod feréntem huc diréxit

Angelórum légio.

TAM præclára pássio

Répleat nos gáudio.

Amen. Allelúia.

To further confuse my morning, in the 1920 Missale Romanum the feast is added at the end of April's sanctoral Masses, where I can never find it without hunting.

At Le Barroux, Sunday's Mass, Misericordia Domini plena est terra alleluia, was sung.

The Roman Martyrology today, for tomorrow the 9th day before the Kalends of May.

Introitus. Ps. 32, 20-21. Adjútor et protéctor noster est Dominus: in eo lætábitur cor nostrum, et in nómine sancto ejus speravimus, allelúja, allelúja. Ps. 79, 2. Qui regis Israël, inténde: qui dedúcis, velut ovem, Joseph. V. Glória Patri.

Kyrie, Gloria.

Oratio. Deus, qui ineffabili providéntia beátum Joseph sanctíssimæ Genetrícis tuæ sponsum elígere dignátus es: præsta, quǽsumus; ut, quem protectórem venerámur in terris, intercessórem habére mereámur in cœlis: Qui vivis.

Oratio. Gregem tuum, Pastor ætérne, placátus inténde: et, per beátos Sotérem et Cajum Mártyros tuos atque Summos Pontífices, perpétua protectióne custódi; quos totíus Ecclésiæ præstitísti esse pastóres. Per Dóminum.

Léctio libri Génesis.
Gen. 49, 22-26.
Fílius accréscens Joseph, fílius accréscens, et decórus aspéctu: fíliæ discurrérunt super murum. Sed exasperavérunt eum, et jurgáti sunt, inviderúnt que illi habéntes jácula. Sedit in forti arcus ejus, et dissolúta sunt víncula brachiórum et mánuum illíus per manus poténtis Jacob: inde pastor egréssus est, lapis Israël. Deus patris tui erit adjútor tuus, et Omnípotens benedícet tibi benedictiónibus cœli désuper, benedictiónibus abýssi jacéntis deórsum, benedictiónibus úberum et vulvæ. Benedictiónes patris tui confortátæ sunt benedictiónibus patrum ejus, donec veníret Desidérium cóllium æternórum: fiant in cápite Joseph, et in vértice Nazarǽi inter fratres suos.

Allelúja, allelúja. V. De quacúmque tribulatióne clamáverint ad me, exáudiam eos, et ero protéctor eórum semper.

Allelúja. V. Fac nos innócuam, Joseph, decúrrere vitam: sitque tuo semper tuta patrocínio. Allelúja.

✠ Sequéntia sancti Evangélii secúndum Lucam.
Luc. 3, 21-23.
In illo témpore: Factum est autem, cum baptizarétur omnis pópulus, et Jesu baptizáto et oránte, apértum est cœlum: et descéndit Spíritus Sanctus corporáli spécie sicut colúmba in ipsum: et vox de cœlo facta est: Tu es Fílius meus diléctus, in te complácui mihi. Et ipse Jesus erat incípiens quasi annórum trigínta, ut putabátur, fílius Joseph.

Credo, per totam Octavam. Ahem.

Offertorium. Ps. 147, 12 et 13. Lauda, Jerúsalem, Dóminum: quóniam confortávit seras portárum tuárum, benedíxit fíliis tuis in te, allelúja, allelúja.

Secreta. Sanctíssimæ Genetrícis tuæ sponsi patrocínio suffulti, rogámus, Dómine, cleméntiam tuam: ut corda nostra fácias terréna cuncta despícere, ac te verum Deum perfécta caritáte dilígere: Qui vivis.

Secreta. Oblátis munéribus, quǽsumus, Dómine, Ecclésiam tuam benígnus illúmina: ut, et gregis tui profíciat ubique succéssus, et gratifiant nómini tuo, te gubernánte, pastóres. Per Dóminum.

Præfatio de S. Joseph.

Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Et te in Veneratióne beáti Joseph débitis magnificáre præcóniis, benedícere et prædicáre. Qui et vir justus, a te Deíparæ Vírgini Sponsus est datus: et fidélis servus ac prudens, super Famíliam tuam est constitútus: ut Unigénitum tuum, Sancti Spíritus obumbratióne concéptum, paterna vice custodíret, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cæli cælorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes:

Sanctus, Benedictus, Agnus Dei.

Communio. Matth. 1, 16. Jacob autem génuit Joseph, virum Maríæ, de qua natus est Jesus, qui vocátur Christus, allelúja, allelúja.

Postcommunio. Divíni múneris fonte refécti, quǽsumus, Dómine, Deus noster: ut, sicut nos facis beáti Joseph protectióne gaudére; ita, ejus méritis et intercessióne, cœléstis glóriæ fácias esse partícipes. Per Dóminum.

Postcommunio. Refectióne sancta enutrítam gubérna, quǽsumus, Dómine, tuam placátus Ecclésiam: ut, poténti moderatióne dirécta, et increménta libertátis accípiat et in religiónis integritáte persístat. Per Dóminum.

✠   ✠   ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant.

Hic [fons baptismalis, in benedictione in Sabbato Sancto] ómnium peccatórum máculæ deleántur: hic natúra ad imáginem tuam cóndita, et ad honórem sua reformáta princípii, cunctis vetustátis squalóribus emundétur: ut omnis homo, sacraméntum hoc regeneratiónis ingréssus, in veræ innocéntiæ novam infántiam renascátur.
Per Dominum nostrum Jesum Christum, Fílium tuum: Qui ventúrus est judicáre vivos et mórtuos et sǽculum per ignem.
R. Amen.

Laus Deo Virginique Matri