Angelus Dómini appáruit in somnis Joseph, dicens: Surge et áccipe Púerum et Matrem ejus, et fuge in Ægýptum...

Protéctor in te sperántium, Deus, qui Unigénitum tuum, Redemptórem nostrum, ex Heródis gladio fuga in Ægýptum erípere voluísti: concéde nobis fámulis tuis, beatíssima semper Vírgine, ejus Matre María, intercedénte; ut, ab ómnibus mentis et córporis perículis liberáti, ad cœléstem pátriam perveníre mereámur. Per eúndem Dóminum.

Preces pópuli tui, quǽsumus, Dómine, cleménter exáudi: ut, qui juste pro peccátis nostris afflígimur, pro tui nóminis glória misericórditer liberémur. Per Dóminum.

Today is Monday in Septuagesima, February 17, a feria when, more often than not, Sunday's Mass, Circumdederunt me gemitus mortis, would be repeated. This is what the ordo tells us will be done at Le Barroux. It is what the ordo tells us... but the monthly Mass for the Dead was sung, ahem. Requiem aeternam dona eis Domine was sung just last Thursday, ahem, according to the ordo, ahem... but that was the morning when there was no streaming.

In some places, however, it is or was the feast of the Flight of Our Lord Jesus Christ into Egypt, in the care of His Blessed Mother and of Saint Joseph. I will add that Mass infra just in case someone clever at Saint-E. celebrates it.

And in fact M l'Abbé Grodziski celebrated the Mass Angelus Domini apparuit in somnis, with the Credo. There is a reason that such a large proportion of my church-giving goes to Saint-Eugène and not to the territorial parish. 

The Mass of the Flight of Our Lord Jesus Christ into Egypt, as it appears in the 1923 Missale Romanum in the supplement pro aliquibus locis.

Introitus. Matth. 2, 13. Angelus Dómini appáruit in somnis Joseph, dicens: Surge et áccipe Púerum et Matrem ejus, et fuge in Ægýptum. Ps. 54, 8. Ecce, elongávi fúgiens: et mansi in solitúdine. ℣. Glória Patri.

Kyrie, Gloria.

Oratio. Protéctor in te sperántium, Deus, qui Unigénitum tuum, Redemptórem nostrum, ex Heródis gladio fuga in Ægýptum erípere voluísti: concéde nobis fámulis tuis, beatíssima semper Vírgine, ejus Matre María, intercedénte; ut, ab ómnibus mentis et córporis perículis liberáti, ad cœléstem pátriam perveníre mereámur. Per eúndem Dóminum.

Léctio Isaíæ Prophétæ.
Is. 19, 20-22.
In diébus illis: Clamábunt ad Dóminum a facie tribulántis, et mittet eis salvatórem et propugnatórem, qui líberet eos. Et cognoscétur Dóminus ab Ægýpto, et cognóscent Ægýptii Dóminum in die illa, et colent eum in hóstiis et in munéribus, et vota vovébunt Dómino et solvent. Et percútiet Dóminus Ægýptum plaga et sanábit eam: et reverténtur ad Dóminum, et placábitur eis et sanábit eos Dóminus, Deus noster.

Graduale. Ps. 90,11-12. Angelis suis Deus mandávit de te: ut custódiant te in ómnibus viis tuis. ℣. In mánibus portábunt te, ne umquam offéndas ad lápidem pedem tuum.

Tractus. Matth. 2, 13. Angelus Dómini appáruit in somnis Joseph, dicens: Surge et áccipe Púerum et Matrem ejus, et fuge in Ægýptum. ℣. Et esto ibi, usque dum dicam tibi. ℣. Futúrum est enim, ut Heródes quærat Púerum ad perdéndum eum.

✠ Sequéntia sancti Evangélii secúndum Matthǽum.
Matth. 2, 13-15.
In illo témpore: Angelus Dómini appáruit in somnis Joseph, dicens: Surge, et accipe Púerum et Matrem ejus, et fuge in Ægýptum, et esto ibi, usque dum dicam tibi. Futúrum est enim, ut Heródes quærat Púerum ad perdéndum eum. Qui consúrgens accépit Púerum et Matrem ejus nocte, et secéssit in Ægýptum: et erat ibi usque ad obitum Heródis: ut adimplerétur, quod dictum est a Dómino per Prophétam dicéntem: Ex Ægýpto vocávi Fílium meum.

Credo. That won't be said even if the Mass is celebrated. But M Grodziski did include it.

Offertorium. Isaiæ 19, 21. Cognoscétur Dóminus ab Ægýpto, et cognóscent Ægýptii Dóminum in die illa, et colent eum in hóstiis et in munéribus, et vota vovébunt Dómino, et solvent.

Secreta. Laudis tibi, Dómine, hóstias immolámus, supplíciter deprecántes: ut, qui cum beatíssima Matre Vírgine María in Ægýptum exsul deférri voluísti; éxsules nos, eádem beáta Vírgine intercedénte, ad cœléstem pátriam benígnus perdúcas: Qui vivis et regnas.

Præfatio de Nativitate.

Vere dignum et iustum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Quia per incarnáti Verbi mystérium nova mentis nostræ óculis lux tuæ claritátis infúlsit: ut, dum visibíliter Deum cognóscimus, per hunc in invisibílium amorem rapiámur. Et ídeo cum Angelis et Archángelis, cum Thronis et Dominatiónibus cumque omni milítia cæléstis exércitus hymnum glóriæ tuæ cánimus, sine fine dicéntes:

Sanctus, Benedictus, Agnus Dei.

Communio. Matth. 2, 15. Et erat ibi usque ad óbitum Heródis; ut adimplerétur, quod dictum est a Dómino per Prophétam dicéntem: Ex Ægýpto vocávi Fílium meum.

Postcommunio. Largíre sénsibus nostris, omnípotens Deus: ut per temporálem Fílii tui fugam, quam mystéria veneránda testántur, vitam te nobis dedísse perpétuam confidámus. Per eúndem Dóminum.

✠   ✠   ✠

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri