Adoléscens, tibi dico, surge. Et resédit qui erat mórtuus et cœpit loqui: et dedit illum matri suæ...

Today is the feast of Saint Monica, Widow, mother of the Holy Father Saint Augustine. At Barroux, so far as I can tell from the ordo, it is a feria on which can be celebrated either the Mass of Saints Alexander, Eventius, and Theodulus, Martyrs, and of Saint Juvenalis, Bishop and Confessor, or the Mass of Saint Monica (which in the Roman Missal anyway is Cognovi Domine), or the Sunday Mass with commemorations of both. The timings, eh, I'll include them in the event I become interested in figuring out the Mass proper that the monks used; the video recording says it is the Mass of Saints Alexander et alii. The commemoration of Saint Monica was sung at the orations.

From the simplex Office of 1570 (i.e. three lessons).

Lectio 1
De libro Apocalýpsis beáti Joánnis Apóstoli
Apo 15:1-4
1 Et vidi áliud signum in cælo magnum et mirábile, ángelos septem, habéntes plagas septem novíssimas: quóniam in illis consummáta est ira Dei.
2 Et vidi tamquam mare vítreum mistum igne, et eos, qui vicérunt béstiam, et imáginem ejus, et númerum nóminis ejus, stantes super mare vítreum, habéntes cítharas Dei:
3 Et cantántes cánticum Móysi servi Dei, et cánticum Agni, dicéntes: Magna et mirabília sunt ópera tua, Dómine Deus omnípotens: justæ et veræ sunt viæ tuæ, Rex sæculórum.
4 Quis non timébit te, Dómine, et magnificábit nomen tuum? quia solus pius es: quóniam omnes gentes vénient, et adorábunt in conspéctu tuo, quóniam judícia tua manifésta sunt.

R. Dignus es, Dómine, accípere librum, et aperíre signácula ejus, allelúja: quóniam occísus es, et redemísti nos Deo
* In sánguine tuo, allelúja.
V. Fecísti enim nos Deo nostro regnum et sacerdótium.
R. In sánguine tuo, allelúja.

Lectio 2
Apo 15:5-8
5 Et post hæc vidi: et ecce apértum est templum tabernáculi testimónii in cælo,
6 Et exiérunt septem ángeli habéntes septem plagas de templo, vestíti lino mundo et cándido, et præcíncti circa péctora zonis áureis.
7 Et unum de quátuor animálibus dedit septem ángelis septem phíalas áureas, plenas iracúndiæ Dei vivéntis in sǽcula sæculórum.
8 Et implétum est templum fumo a majestáte Dei, et de virtúte ejus: et nemo póterat introíre in templum, donec consummaréntur septem plagæ septem angelórum.

R. Ego sicut vitis fructificávi suavitátem odóris, allelúja:
* Transíte ad me, omnes qui concupíscitis me, et a generatiónibus meis adimplémini, allelúja, allelúja.
V. In me omnis grátia viæ et veritátis: in me omnes spes vitæ et virtútis.
R. Transíte ad me, omnes qui concupíscitis me, et a generatiónibus meis adimplémini, allelúja, allelúja.
V. Glória Patri, et Fílio, * et Spirítui Sancto.
R. Transíte ad me, omnes qui concupíscitis me, et a generatiónibus meis adimplémini, allelúja, allelúja.

Lectio 3
Mónica, sancti Augustíni piíssima mater, uxórum et viduárum exémplar, fílium Manichǽum Mediolánum secúta, postquam assíduis oratiónibus, lácrimis et jejúniis, ope Ambrósii epíscopi, eum Christo lucrifécit, cum ipso in Africam rédiens, ad Ostia Tiberína in febrim íncidit, et nono die placidíssime óbiit. De cujus morte mærens fílius dísserens subdit: Neque enim decére arbitrabámur funus illud quéstubus lacrimósis gemitibúsque celebráre, quia illa nec mísere, nec omníno moriebátur: hoc et documéntis morum ejus, et fide non ficta rationibúsque certis tenebámus. Atque inde paulátim reducébam in prístinum sensum ancíllam tuam, conversationémque ejus piam in te et sanctam, in nos blandam atque morígeram, qua súbito destitútus sum; et líbuit flere de illa et pro illa. Et si quis peccátum invénerit, flevísse me matrem óculis meis mórtuam, quæ me multos annos fléverat, ut óculis suis víverem, non irrídeat; sed pótius, si est grandi caritáte, pro peccátis meis fleat ipse ad te Patrem ómnium fratrum Christi tui. Ejus corpus, in ecclésia sanctæ Aureæ prius sepúltum, póstea, Martíno quinto summo Pontífice, Romam translátum, in ecclésia sancti Augustíni honorífice cónditum est.

From the duplex Office of the Divino afflatu arrangment (i.e. nine lessons).

Lectio 4

Monica, sancti Augustíni dupliciter mater, quia eum et mundo et cælo péperit, maríto mortuo, quem senectute confectum Jesu Christo conciliávit, castam et opéribus misericórdiæ exercitam viduitátem agebat; in assiduis vero ad Deum oratiónibus pro fílio, qui in Manichæórum sectam inciderat, lácrimas effundébat. Quem étiam Mediolanum secuta est; ubi ipsum frequenter hortabátur, ut ad episcopum Ambrosium se conferret. Quod cum ille fecísset, ejus et publicis conciónibus et privátis colloquiis catholicæ fidei veritátem edoctus, ab eodem baptizátus est.

R. Propter veritátem, et mansuetúdinem, et justítiam:
* Et dedúcet te mirabíliter déxtera tua, allelúja.
V. Spécie tua et pulchritúdine tua inténde, próspere procéde, et regna.
R. Et dedúcet te mirabíliter déxtera tua, allelúja.

Lectio 5

Mox in Africam redeuntes, cum ad Ostia Tiberina constitissent, incidit in febrem. Quo in morbo cum eam quodam die ánima defecísset, ut se collegit, Ubi, inquit, eram? Et astántes íntuens, Ponite hic matrem vestram: tantum vos rogo, ut ad altáre Dómini meminéritis mei. Nono autem die beáta mulier ánimam Deo réddidit. Ejus corpus ibi in ecclésia sanctæ Aureæ sepúltum est: quod póstea, Martino quinto summo Pontifice, Romam translátum, in ecclésia sancti Augustíni honorifice cónditum est.

R. Dilexísti justítiam, et odísti iniquitátem:
* Proptérea unxit te Deus, Deus tuus, oleo lætítiæ, allelúja.
V. Propter veritátem, et mansuetúdinem, et justítiam.
R. Proptérea unxit te Deus, Deus tuus, oleo lætítiæ, allelúja.

Lectio 6

Ex libro 9 Conf. cap. 12.

Subdit vero Augustinus de matris morte disserens: Neque enim decére arbitrabámur funus illud quéstubus lacrimosis gemitibúsque celebrare, quia illa nec mísere, nec omnino moriebátur: hoc et documéntis morum ejus, et fide non ficta rationibúsque certis tenebamus. Atque inde paulatim reducébam in prístinum sensum ancíllam tuam, conversationémque ejus piam in te et sanctam, in nos blandam atque morígeram, qua súbito destitútus sum; et libuit flere de illa et pro illa. Et si quis peccátum invenerit, flevisse me matrem meam exígua parte horæ, matrem óculis meis mortuam, quæ me multos annos fleverat, ut óculis suis viverem, non irrideat; sed potius, si est grándi caritate, pro peccátis meis fleat ipse ad te Patrem ómnium fratrum Christi tui.

R. Fallax grátia, et vana est pulchritúdo:
* Mulier timens Dóminum ipsa laudábitur, allelúja.
V. Date ei de fructu mánuum suárum, et laudent eam in portis ópera ejus.
R. Mulier timens Dóminum ipsa laudábitur, allelúja.
V. Glória Patri, et Fílio, * et Spirítui Sancto.
R. Mulier timens Dóminum ipsa laudábitur, allelúja.

Lectio 7

Léctio sancti Evangélii secúndum Lucam

Luc 7:11-16

In illo témpore: Ibat Jesus in civitátem, quæ vocátur Naim: et ibant cum eo discípuli ejus, et turba copiosa. Et réliqua.

Homilía sancti Augustíni Epíscopi

Sermo 44 de Verbis Dómini, circa initium

De juvene illo resuscitato gavisa est mater vidua; de homínibus in spíritu quotídie suscitátis gaudet mater Ecclésia. Ille quidem mórtuus erat corpore; illi autem mente. Illius mors visibilis visibíliter plangebátur; illórum mors invisibilis nec quærebátur, nec videbátur. Quæsívit ille, qui nóverat mórtuos. Ille solus nóverat mórtuos, qui poterat fácere vivos. Nisi enim ad mórtuos suscitándos venísset, Apóstolus non diceret: Surge, qui dormis, et exsúrge a mórtuis, et illuminábit te Christus.

R. Os suum apéruit sapiéntiæ, et lex cleméntiæ in lingua ejus: considerávit sémitas domus suæ,
* Et panem otiosa non comédit, allelúja.
V. Gustávit et vidit quia bona est negotiátio ejus: non exstinguétur in nocte lucérna ejus.
R. Et panem otiosa non comédit, allelúja.

Lectio 8

Tres autem mórtuos invenímus a Dómino resuscitatos visibíliter, míllia invisibíliter. Quot autem mórtuos visibíliter suscitaverit, quis novit? Non enim ómnia, quæ fecit, scripta sunt. Joánnes hoc dixit: Multa alia fecit Jesus, quæ si scripta essent, árbitror totum mundum non posse libros cápere. Multi ergo sunt alii sine dubio suscitati, sed non tres frustra commemorati. Dóminus enim noster Jesus Christus ea, quæ faciebat corporáliter, étiam spiritáliter volebat intelligi. Neque enim tantum miracula propter miracula faciebat; sed ut illa, quæ faciebat, mira essent vidéntibus, vera essent intelligéntibus.

R. Regnum mundi et omnem ornátum sæculi contempsi, propter amórem Dómini mei Jesu Christi:
* Quem vidi, quem amávi, in quem credidi, quem diléxi, allelúja.
V. Eructávit cor meum verbum bonum: dico ego ópera mea Regi.
R. Quem vidi, quem amávi, in quem credidi, quem diléxi, allelúja.
V. Glória Patri, et Fílio, * et Spirítui Sancto.
R. Quem vidi, quem amávi, in quem credidi, quem diléxi, allelúja.

Lectio 9

Quemádmodum qui videt litteras in códice óptime scripto, et non novit légere, laudat quidem antiquarii manum, admirans ápicum pulchritúdinem; sed quid sibi velint, quid índicent illi ápices, nescit, et est óculis laudator, mente non cógnitor. Alius autem et laudat artifícium, et capit intelléctum: ille útique, qui non solum vidére quod commune est ómnibus potest, sed étiam légere; quod qui non dídicit, non potest. Ita qui vidérunt Christi miracula, et non intellexérunt quid sibi vellent, et quid intelligéntibus quodámmodo innúerent, miráti sunt tantum quia facta sunt; alii vero et facta mirati, et intellecta assecuti. Tales nos in schola Christi esse debemus.

Te Deum.

 

Happily, Pater Thomas SJ is celebrant of the Mass today. The biretta-ed clerks are back, or, perhaps, a different group of biretta-ed clerks is present in choir. 

Introitus. Ps. 118, 75 et 120. 18:37. Sancti tui. Cognóvi, Dómine, quia ǽquitas judicia tua, et in veritate tua humiliásti me: confíge timóre tuo carnes meas, a mandátis tuis tímui, allelúja, allelúja. Ps. ibid., 1. Beáti immaculáti in via: qui ámbulant in lege Dómini. V. Glória Patri.

At Barroux, the Kyrie was begun at 21:13 and the Gloria at 23:12.

Oratio.

Oratio. Deus, mæréntium consolátor et in te sperántium salus, qui beátæ Mónicæ pias lácrimas in conversióne fílii sui Augustíni misericórditer suscepísti: da nobis utriúsque intervéntu; peccáta nostra deploráre, et grátiæ tuæ indulgéntiam inveníre. Per Dóminum. 

Léctio Epístolæ beáti Pauli Apóstoli ad Timótheum.
1. Tim. 5, 3-10. 28:29. Beati Petri Apostoli.
Caríssime: Víduas honóra, quæ vere víduæ sunt. Si qua autem vidua fílios aut nepótes habet, discat primum domum suam régere, et mútuam vicem réddere paréntibus: hoc enim accéptum est coram Deo. Quæ autem vere vidua est et desoláta, speret in Deum, et instet obsecratiónibus et oratiónibus nocte ac die. Nam quæ in delíciis est, vivens mórtua est. Et hoc prǽcipe, ut irreprehensíbiles sint. Si quis autem suórum, et máxime domesticórum curam non habet, fidem negávit, et est infidéli detérior. Vidua eligátur non minus sexagínta annórum, quæ fúerit unius viri uxor, in opéribus bonis testimónium habens, si fílios educávit, si hospítio recépit, si sanctórum pedes lavit, si tribulatiónem patiéntibus subministrávit, si omne opus bonum subsecúta est.

Allelúja, allelúja. V. Ps. 44, 5. 30:38. Sancti tui Domine. Spécie tua et pulchritúdine tua inténde, próspere procéde et regna.

Allelúja. V. 32:29. Pretiosa in conspectu Domine. Propter veritátem et mansuetúdinem et justítiam: et dedúcet te mirabíliter déxtera tua. Allelúja.

+ Sequéntia sancti Evangélii secúndum Lucam.
Luc. 7, 11-16. 35:23. Secundum Ioannem. Dixit Iesus discipulis suis.

In illo témpore: Ibat Jesus in civitátem, quæ vocátur Naïm: et ibant cum eo discípuli ejus et turba copiósa. Cum autem appropinquáret portæ civitátis, ecce, defúnctus efferebátur fílius únicus matris suæ: et hæc vídua erat, et turba civitátis multa cum illa. Quam cum vidísset Dóminus, misericórdia motus super eam, dixit illi: Noli flere. Et accéssit et tétigit lóculum. (Hi autem, qui portábant, stetérunt.) Et ait: Adoléscens, tibi dico, surge. Et resédit, qui erat mórtuus, et cœpit loqui. Et dedit illum matri suæ. Accépit autem omnes timor: et magnificábant Deum, dicéntes: Quia Prophéta magnus surréxit in nobis: et quia Deus visitávit plebem suam.

Offertorium. Ps. 44, 8. 38:56. Laetamini in Domino. Diffúsa est grátia in lábiis tuis: proptérea benedíxit te Deus in ætérnum, et in sǽculum sǽculi, allelúja.

Secreta.

Secreta. Accépta tibi sit. Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.

At Barroux, the Sanctus was begun at 45:23 and the Agnus Dei at 55:26.

Communio. Ps. 44, 8. 1:00:44. Gaudete iusti in Domino. Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis, allelúja.

Postcommunio.

Postcommunio. Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus sollémnia celebrámus. Per Dóminum.

LDVM