Et Spíritus est, qui testificátur, quóniam Christus est véritas: quóniam tres sunt et tres sunt, qui testimónium dant in terra: Spíritus, et aqua, et sanguis: et hi tres unum sunt...

Præsta, quǽsumus, omnípotens Deus: ut, qui paschália festa perégimus, hæc te largiénte móribus et vita teneámus. Per Dominum.

Deus, qui beátum Hermenegíldum Mártyrem tuum cœlésti regno terrénum postpónere docuísti: da, quǽsumus, nobis; ejus exémplo cadúca despícere atque ætérna sectári. Per Dóminum.

Deus, qui per stultítiam Crucis eminéntem Jesu Christi sciéntiam beátum Justínum Mártyrem mirabíliter docuísti: ejus nobis intercessióne concéde; ut, errórum circumventióne depúlsa, fídei firmitátem consequámur. Per eúndem Dóminum.

Præsta, quǽsumus, omnípotens Deus: ut, qui sanctórum Mártyrum tuórum Tibúrtii, Valeriáni et Máximi sollémnia cólimus, eórum étiam virtútes imitémur. Per Dóminum nostrum.

Today is Monday in the 1st week of Easter and the feast of the Martyr Saint Hermenegildus, but at Le Barroux it is the feast of the Martyr Saint Justin (which is tomorrow in the Kalendarium Romanum). The ferial Mass is the Sunday's Mass reprised, Quasi modo geniti infantes alleluia. The Mass of Saint Hermenegildus is from the Common, Protexisti me Deus, with proper orations and a proper Gospel lesson. His hymns at Vespers, Matins and Lauds are proper. The lessons of the 2nd and 3rd nocturns at Matins are from the Dialogorum libri of Pope Saint Gregory the Great; Gregory affirms that he and Leander, who converted Hermenegildus (and many others) from the wickedness of the Arians, were friends. I will add (what is, at Le Barroux, probably) the Mass of the Holy Martyr Justin infra (in the Missale Romanum, the feast of the Martyrs Saints Tiburtius, Valerianus and Maximus is commemorated tomorrow).

At Le Barroux, the Mass wasn't Narraverunt mihi iniqui fabulationes but was Protexisti me Deus a conventu malignantium: it began with that Introitus but was other than the Mass provided in the Missale Romanum; I was distracted with other things and didn't follow closely enough to 'correct' the texts. Sigh. We shall see how confused I've gotten things tomorrow, with Saint Justin in the Roman calendar and Saints Tiburtius, Valerianus and Maximus in the monastic one. Eh.

At Saint-Eugène today, M l'Abbé Cuchet is celebrating Holy Mass, the Mass Protexisti me Deus a conventu malignantium.

The Roman Martyrology today, for tomorrow the 18th day before the Kalends of May.

Introitus. Ps. 63, 3. Protexísti me, Deus, a convéntu malignántium, allelúja: a multitúdine operántium iniquitátem, allelúja, allelúja. Ps. ibid., 2. Exáudi, Deus, oratiónem meam, cum déprecor: a timóre inimíci éripe ánimam meam. ℣. Glória Patri.

Kyrie, Gloria.

Oratio. Deus, qui beátum Hermenegíldum Mártyrem tuum cœlésti regno terrénum postpónere docuísti: da, quǽsumus, nobis; ejus exémplo cadúca despícere atque ætérna sectári. Per Dóminum.

Léctio libri Sapiéntiæ.
Sap. 5, 1-5.
Stabunt justi in magna constántia advérsus eos, qui se angustiavérunt et qui abstulérunt labóres eórum. Vidéntes turbabúntur timore horríbili, et mirabúntur in subitatióne insperátæ salútis, dicéntes intra se, pœniténtiam agéntes, et præangústia spíritus geméntes: Hi sunt, quos habúimus aliquándo in derísum et in similitudinem impropérii. Nos insensáti vitam illórum æstimabámus insániam, et finem illórum sine honóre: ecce, quómodo computáti sunt inter fílios Dei, et inter Sanctos sors illórum est.

Allelúja, allelúja. ℣. Ps. 88, 6. Confitebúntur cœli mirabília tua, Dómine: étenim veritátem tuam in ecclésia sanctórum.

Allelúja. ℣. Ps. 20, 4. Posuísti, Dómine, super caput ejus corónam de lápide pretióso. Allelúja.

✠ Sequéntia sancti Evangélii secúndum Lucam.
Luc. 14, 26-33.
In illo témpore: Dixit Jesus turbis: Si quis venit ad me, et non odit patrem suum, et matrem, et uxórem, et fílios, et fratres, et soróres, adhuc autem et ánimam suam, non potest meus esse discípulus. Et qui non bájulat crucem suam, et venit post me, non potest meus esse discípulus. Quis enim ex vobis volens turrim ædificáre, non prius sedens cómputat sumptus, qui necessárii sunt, si hábeat ad perficiéndum; ne, posteáquam posúerit fundaméntum, et non potúerit perfícere, omnes, qui vident, incípiant illúdere ei, dicéntes: Quia hic homo cœpit ædificáre, et non pótuit consummáre? Aut quis rex itúrus commíttere bellum advérsus álium regem, non sedens prius cogitat, si possit cum decem mílibus occúrrere ei, qui cum vigínti mílibus venit ad se? Alióquin, adhuc illo longe agénte, legatiónem mittens, rogat ea, quæ pacis sunt. Sic ergo omnis ex vobis, qui non renúntiat ómnibus, quæ póssidet, non potest meus esse discípulus.

Offertorium. Ps. 88, 6. Confitebúntur cœli mirabília tua, Dómine: et veritátem tuam in ecclésia sanctórum, allelúja, allelúja.

Secreta. Munéribus nostris, quǽsumus, Dómine, precibúsque suscéptis: et cœléstibus nos munda mystériis, et cleménter exáudi. Per Dóminum.

Sanctus, Benedictus, Agnus Dei.

Communio. Ps. 63, 11. Lætábitur justus in Dómino, et sperábit in eo: et laudabúntur omnes recti corde, allelúja, allelúja.

Postcommunio. Da, quǽsumus, Dómine, Deus noster: ut, sicut tuórum commemoratióne Sanctórum temporáli gratulámur officio; ita perpétuo lætémur aspéctu. Per Dóminum.

✠   ✠   ✠

The Mass of the feast of the Martyr Saint Justin, Narraverunt mihi iniqui fabulationes, kept on the 13th at Le Barroux and on the 14th in the Kalendarium Romanum. The feast of the Martyrs Tiburtius, Valerianus and Maximus, whose Mass is Sancti tui Domine benedicent te, is commemorated.

Introitus. Ps. 118, 85 et 46. Narravérunt mihi iníqui fabulatiónes, sed non ut lex tua: ego autem loquébar de testimóniis tuis in conspéctu regum, et non confundébar. (T.P. Allelúja, allelúja.) Ps. ibid., 1. Beáti immaculáti in via, qui ámbulant in lege Dómini. V. Glória Patri.

Kyrie, Gloria.

Oratio. Deus, qui per stultítiam Crucis eminéntem Jesu Christi sciéntiam beátum Justínum Mártyrem mirabíliter docuísti: ejus nobis intercessióne concéde; ut, errórum circumventióne depúlsa, fídei firmitátem consequámur. Per eúndem Dóminum.

Oratio. Præsta, quǽsumus, omnípotens Deus: ut, qui sanctórum Mártyrum tuórum Tibúrtii, Valeriáni et Máximi sollémnia cólimus, eórum étiam virtútes imitémur. Per Dóminum nostrum.

Léctio Epístolæ beáti Pauli Apóstoli ad Corínthios.
1. Cor. 1, 18-25 et 30.
Fratres: Verbum crueis pereúntibus quidem stultítia est: iis autem, qui salvi fiunt, id est nobis, Dei virtus est. Scriptum est enim: Perdam sapiéntiam sapiéntium et prudéntiam prudéntium reprobábo. Ubi sápiens? ubi scriba? ubi conquisítor hujus saeculi? Nonne stultam fecit Deus sapiéntiam hujus mundi? Nam quia in Dei sapiéntia non cognóvit mundus per sapiéntiam Deum: placuit Deo per stultítiam prædicatiónis salvos fácere credéntes. Quóniam et Judǽi signa petunt, et Græci sapiéntiam quærunt: nos autem prædicámus Christum crucifíxum: Judǽis quidem scándalum, géntibus autem stultítiam, ipsis autem vocátis Judǽis, atque Græcis. Christum Dei virtútem et Dei sapiéntiam: quia, quod stultum est Dei, sapiéntius est homínibus: et, quod infírmum est Dei, fórtius est homínibus. Ex ipso autem vos estis in Christo Jesu, qui factus est nobis sapiéntia a Deo et justítia ei sanctificátio et redémptio.

Graduale. 1. Cor. 3, 19 et 20. Sapiéntia hujus mundi stultítia est apud Deum, scriptum est enim: Dóminus novit cogitationes sapiéntium, quóniam vanæ sunt. V. Ibid. 1, 19. Perdam sapiéntiam sapiéntium et prudentiam prudéntium reprobábo.

Tractus. 1. Cor. 2, 2 et 7-8. Non judicávi me scire áliquid inter vos nisi Jesum Christum, et hunc crucifíxum. V. Lóquimur Dei sapiéntiam in mystério, quæ abscóndita est, quam prædestinávit Deus ante sǽcula in glóriam nostram. V. Quam nemo príncipum hujus sǽculi cognóvit. Si enim cognovíssent, numquam Dóminum gloriae crucifixíssent.

Tempore Paschali, omissis Graduali et Tractu, dicitur:

Allelúja, allelúja. V. 1. Cor. 3, 19 et 20. Sapiéntia hujus mundi stultítia est apud Deum, scriptum est enim: Dóminus novit cogitatiónes sapiéntium, quóniam vanæ sunt. 

Allelúja. V. Philipp. 3, 8. Verúmtamen exístimo ómnia detriméntum esse propter eminéntem sciéntiam Jesu Christi, Dómini mei. Allelúja.

✠ Sequéntia sancti Evangélii secúndum Lucam.
Luc. 12, 2-8.
In illo témpore: Dixit Jesus discípulis suis: Nihil opértum est, quod non revelétur, neque abscónditum, quod non sciátur. Quóniam quæ in ténebris dixístis, in lúmine dicántur: et quod in aurem locúti estis in cubículis, prædicábitur in tectis. Dico autem vobis amícis meis: Ne terreámini ab his, qui occidunt corpus et post hæc non habent ámplius, quid fáciant. Osténdam autem vobis, quem timeátis: timéte eum, qui, postquam occídent, habet potestátem míttere in gehennam; ita dico vobis, hunc timéte. Nonne quinque pásseres véneunt dipóndio, et unus ex illis non est in oblivióne coram Deo? Sed et capílli capitis vestri omnes numeráti sunt. Nolíte ergo timére: multis passéribus pluris estis vos. Dico autem vobis: Omnis, quicúmque conféssus fúerit me coram homínibus, et Fílius hóminis confitébitur illum coram Angelis Dei.

Offertorium. 1. Cor. 2, 2. Non enim judicávi me scire áliquid inter vos, nisi Jesum Christum, et hunc crucifíxum. (T.P. Allelúja.)

Secreta. Múnera nostra, Dómine Deus, benígnus súscipe: quorum mirábile mystérium sanctus Martyr Justínus advérsum impiórum calúmnias strénue deféndit. Per Dóminum nostrum.

Secreta. Hæc hóstia, quǽsumus, Dómine, quam sanctórum Mártyrum tuórum natalítia recenséntes offérimus: et víncula nostræ pravitátis absolvat, et tuæ nobis misericórdiæ dona concíliet. Per Dóminum.

Sanctus, Benedictus, Agnus Dei.

Communio. 2. Tim. 4, 8. Repósita est mihi coróna justítiæ, quam reddet mihi Dóminus in illa die justus judex. (T.P. Allelúja.)

Postcommunio. Cœlésti alimónia refécti, súpplices te, Dómine, deprecámur: ut, beáti Justíni Mártyris tui mónitis, de accéptis donis semper in gratiárum actióne maneámus. Per Dóminum.

Postcommunio. Sacro múnere satiáti, súpplices te, Dómine, deprecámur: ut, quod débitæ servitútis celebrámus offício, salvatiónis tuæ sentiámus augméntum. Per Dóminum.

✠   ✠   ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant.

Hic [fons baptismalis, in benedictione in Sabbato Sancto] ómnium peccatórum máculæ deleántur: hic natúra ad imáginem tuam cóndita, et ad honórem sua reformáta princípii, cunctis vetustátis squalóribus emundétur: ut omnis homo, sacraméntum hoc regeneratiónis ingréssus, in veræ innocéntiæ novam infántiam renascátur.
Per Dominum nostrum Jesum Christum, Fílium tuum: Qui ventúrus est judicáre vivos et mórtuos et sǽculum per ignem.
R. Amen.

Laus Deo Virginique Matri