Confitebúntur cœli mirabília tua, Dómine: et veritátem tuam in ecclésia sanctórum, allelúja. allelúja...

Ant. Crucifíxus surréxit a mórtuis, et redémit nos, allelúja, allelúja.

R. Quia Dóminus regnávit a ligno, allelúja.
V. Dícite in natiónibus, allelúja.

Deus qui pro nobis Fílium tuum Crucis patíbulum subíre voluísti, ut inimíci a nobis expélleres potestátem: concéde nobis fámulis tuis; ut resurrectiónis grátiam consequámur. Per eúmdem Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.

Præsta, quǽsumus, omnípotens Deus: ut beáti Petri Martyris tui fidem cóngrua devotióne sectémur; qui, pro ejúsdem fídei dilatatióne, martýrii palmam méruit obtinére. Per Dóminum.

Today is Wednesday in the 3rd week post Octavam Paschae and is the feast of the Martyr Saint Peter; his Mass is Protexisti me Deus a conventu malignantium. This is presumably the Mass celebrated at Saint-Eugène. 

The Roman Martyrology today, for tomorrow the day before the Kalends of May.

At Le Barroux, it is the feast of Abbots Saints Odo, Maiolus, Odilo, and Hugo, of Cluny, with the commemoration of the Abbot Saint Robert of Molesmes; there is a proper Mass of the four Cluniac abbots, Venite benedicti Patris mei percipite regnum alleluia (with the commemoration of Saint Robert) in what is called the Missale Monasticum of 1923, i.e. the Benedictine proprium sanctorum suorum. Whether what is found there is what is celebrated at Le Barroux in 2026 remains to be seen. I will copy the orations here, at least; may not get much more than that since the original missale's two columns insist on being copied from Archive in one act of highlighting, chopping two texts together. Sometimes I have the patience to correct this here but perhaps not this morning; am off to the doctor's office at 1730 which means that the antibiotic won't be available at the pharmacy until 0900 tomorrow, which means that the distracting pressure in my neck won't be mitigated until... I know, whine, whine.

The Benedictine and Carthusian versions of the Introit differ, or else over 36 years or so I have managed to romanticise the melody into one of utterable beauty: it is lovely indeed but not the ray of heavenly gloria that I seemed to hear when first I heard it sung. This is the work of time, I reckon, and the circumstances and vicissitudes of life; they are probably more or less identical. 

Introitus. Matth. 25, 34. Venite, benedicti Patris mei, percipite regnum, alleluja: quod vobis paratum est ab origine mundi, alleliija, alleluja, alleluja. Ps. 95, 1. Cantate Domino canticum novum: cantate Domino omnis terra. V. Gloria Patri.

The orations sung at Le Barroux were identical to these texts.

Oratio. Deus, qui nos Sanctorum tuorum et sollemnitate laetificas, et imitatione suscitas ad profectum: praesta, ut quos veneramur officio, etiam piae conversationis sequamur exemplo. Per Dominum.

Oratio. Intercessio nos, quaesumus, Domine, beati Roberti Abbatis commendet: ut, quod nostris meritis non valemus, ejus patrocinio assequamur. Per Dominum.

Secreta. Sacrificium, Domine, quaesumus beatorum Odonis, Majoli, Odilonis et Hugonis precatio sancta conciliet, ut quorum honore solemniter exhibetur, eorum meritis efficiatur acceptum. Per Dominum.

Secreta. Sacris altaribus. Domine, hostias superpositas sanctus Robertus Abbas, quaesumus, in salutem nobis provenire deposcat. Per Dominum.

Postcommunio. Gratias tibi referimus, Domine, qui nos et caelestis participatione Sacramenti, et tuorum reficis celebritate justorum. Per Dominum.

Postcommunio. Protegat nos, Domine, cum tui perceptione sacramenti beatus Robertus Abbas, pro nobis intercedendo: ut et conversationis ejus experiamur insignia, et intercessionis percipiamus suffragia. Per Dominum.

✠      ✠      ✠

Introitus. Ps. 63, 3. Protexísti me, Deus, a convéntu malignántium, allelúja: a multitúdine operántium iniquitátem, allelúja. allelúja. Ps. ib., 2. Exáudi, Deus, oratiónem meam, cum déprecor: a timore inimíci éripe ánimam meam. V. Glória Patri.

Kyrie, Gloria.

Oratio. Præsta, quǽsumus, omnípotens Deus: ut beáti Petri Martyris tui fidem cóngrua devotióne sectémur; qui, pro ejúsdem fídei dilatatióne, martýrii palmam méruit obtinére. Per Dóminum.

Léctio Epístolæ beáti Pauli Apóstoli ad Timótheum.
2. Tim. 2, 8-10; 3, 10-12.
Caríssime: Memor esto, Dóminum Jesum Christum resurrexísse a mórtuis ex sémine David, secúndum Evangélium meum, in quo labóro usque ad víncula, quasi male operans: sed verbum Dei non est alligátum. Ideo ómnia sustíneo propter eléctos, ut et ipsi salútem consequántur, quæ est in Christo Jesu, cum glória cœlésti. Tu autem assecútus es meam doctrínam, institutiónem, propósitum, fidem, longanimitátem, dilectiónem, patiéntiam, persecutiónes, passiónes: quália mihi facta sunt Antiochíæ, Icónii et Lystris: quales persecutiónes sustínui, et ex ómnibus erípuit me Dóminus. Et omnes, qui pie volunt vívere in Christo Jesu, persecutiónem patiéntur.

Allelúja, allelúja. V. Ps. 88, 6. Confitebúntur cœli mirabília tua, Dómine: étenim veritátem tuam in ecclésia sanctórum.

Allelúja. V. Ps. 20, 4. Posuísti, Dómine, super caput ejus corónam de lápide pretióso. Allelúja.

✠ Sequéntia sancti Evangélii secúndum Joánnem.
Joann. 15, 1-7.
In illo témpore: Dixit Jesus discípulis suis: Ego sum vitis vera: et Pater meus agrícola est. Omnem pálmitem in me non feréntem fructum, tollet eum: et omnem, qui fert fructum, purgábit eum, ut fructum plus áfferat. Jam vos mundi estis propter sermónem, quem locútus sum vobis. Manéte in me: et ego in vobis. Sicut palmes non potest ferre fructum a semetípso, nisi mánserit in vite: sic nec vos, nisi in me manséritis. Ego sum vitis, vos pálmites: qui manet in me, et ego in eo, hic fert fructum multum: quia sine me nihil potéstis fácere. Si quis in me non mánserit, mittétur foras sicut palmes, et aréscet, et cólligent eum, et in ignem mittent, et ardet. Si manséritis in me, et verba mea in vobis mánserint: quodcúmque voluéritis, petétis, et fiet vobis.

Offertorium. Ps. 88. 6. Confitebúntur cœli mirabília tua, Dómine: et veritátem tuam in ecclésia sanctórum, allelúja. allelúja.

Secreta. Preces, quas tibi, Dómine, offérimus, intercedénte beáto Petro Mártyre tuo, cleménter inténde: et propugnatóres fídei sub tua protectióne custódi. Per Dóminum.

Praefatio.

Sanctus, Benedictus, Agnus Dei.

Communio. Ps. 63, 11. Lætábitur justus in Dómino, et sperábit in eo: et laudabúntur omnes recti corde, allelúja. allelúja.

Postcommunio. Fidéles tuos, Dómine, custódiant sacraménta, quæ súmpsimus: et, intercedénte beáto Petro Mártyre tuo, contra omnes advérsos tueántur incúrsus. Per Dóminum.

✠     ✠     ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant.

Hic [fons baptismalis, in benedictione in Sabbato Sancto] ómnium peccatórum máculæ deleántur: hic natúra ad imáginem tuam cóndita, et ad honórem sua reformáta princípii, cunctis vetustátis squalóribus emundétur: ut omnis homo, sacraméntum hoc regeneratiónis ingréssus, in veræ innocéntiæ novam infántiam renascátur.
Per Dominum nostrum Jesum Christum, Fílium tuum: Qui ventúrus est judicáre vivos et mórtuos et sǽculum per ignem.
R. Amen.

Laus Deo Virginique Matri