Excita, Dómine, potentiam tuam, et veni, ut salvos fácias nos, allelúja...

Aurem tuam, quǽsumus, Dómine, précibus nostris accómmoda: et mentis nostræ ténebras, grátia tuæ visitatiónis illústra: Qui vivis.

Today is the 3rd Sunday in Advent, called Gaudete after the Introit of the Mass Gaudete in Domino semper iterum dico gaudete. The Schola Sainte-Cécile's page for today is here. (Their libellus for yesterday's 1st Vespers is here.) The libellus for Holy Mass is here, and that for Vespers and Benediction of the Most Blessed Sacrament is here.

When I posted (on X and Facebook) the Introit of the Mass from Le Barroux, as I always do, I couldn't help but see (ordinarily I don't look at 'news of the world' until later in the day) a tweet from an X friend about the atrocity at Bondi Beach; one page leads to another and I chanced to see video that purported to be of a bystander  disarming one of the wicked gunmen. Couldn't help but think, 'I would have shot that man' (he appeared to have run away); at least, pulled the trigger (haven't shot a gun in almost two decades). Such wickedness, and sacrilege in the broader sense: those poor people were celebrating the first day of the festival of Hanukkah. That the fellow was so easily disarmed suggests to me that he was a poor deluded fool (however wicked) rather than a trained assassin. 

The Roman Martyrology today, for tomorrow December 15, the 18th day before the Kalends of January.

Statio ad Sanctum Petrum

Introitus. Phil. 4, 4-6. Gaudéte in Dómino semper: íterum dico, gaudéte. Modéstia vestra nota sit ómnibus homínibus: Dóminus enim prope est. Nihil sollíciti sitis: sed in omni oratióne petitiónes vestræ innotéscant apud Deum. Ps. 84, 2. Benedixísti, Dómine, terram tuam: avertísti captivitátem Jacob. ℣. Glória Patri.

Kyrie, Gloria.

Oratio. Aurem tuam, quǽsumus, Dómine, précibus nostris  accómmoda: et mentis nostræ ténebras, grátia tuæ visitatiónis illústra: Qui vivis.

Lectio Epístolæ beáti Pauli Apóstoli ad Philippénses.
Philipp. 4, 4-7.
Fratres: Gaudéte in Dómino semper: íterum dico, gaudéte. Modéstia vestra nota sit ómnibus homínibus: Dóminus prope est. Nihil sollíciti sitis: sed in omni oratióne et obsecratióne, cum gratiárum actióne, petitiónes vestræ innotéscant apud Deum. Et pax Dei, quæ exsúperat omnem sensum, custódiat corda vestra et intellegéntias vestras, in Christo Jesu, Dómino nostro.

Graduale. Ps. 79, 2, 3 et 2. Qui sedes, Dómine, super Cherubim, éxcita poténtiam tuam, et veni. ℣. Qui regis Israël, inténde: qui dedúcis, velut ovem, Joseph.

Allelúja, allelúja. ℣. Excita, Dómine, potentiam tuam, et veni, ut salvos fácias nos. Allelúja.

✠ Sequéntia sancti Evangélii secúndum Joánnem.
Joann, l, 19-28.
In illo tempore: Misérunt Judǽi ab Jerosólymis sacerdótes et levítas ad Joánnem, ut interrogárent eum: Tu quis es? Et conféssus est, et non negávit: et conféssus est: Quia non sum ego Christus. Et interrogavérunt eum: Quid ergo? Elías es tu? Et dixit: Non sum. Prophéta es tu? Et respondit: Non. Dixérunt ergo ei: Quis es, ut respónsum demus his, qui misérunt nos? Quid dicis de te ipso? Ait: Ego vox clamántis in desérto: Dirígite viam Dómini, sicut dixit Isaías Prophéta. Et qui missi fúerant, erant ex pharisǽis. Et interrogaverunt eum, et dixérunt ei: Quid ergo baptízas, si tu non es Christus, neque Elías, neque Prophéta? Respóndit eis Joánnes, dicens: Ego baptízo in aqua: médius autem vestrum stetit, quem vos nescítis. Ipse est, qui post me ventúrus est, qui ante me factus est: cujus ego non sum dignus ut solvam ejus corrígiam calceaménti. Hæc in Bethánia facta sunt trans Jordánem, ubi erat Joánnes baptízans.

Credo.

Offertorium. Ps. 84, 2. Benedixísti, Dómine, terram tuam: avertísti captivitátem Jacob: remisísti iniquitatem plebis tuæ.

Secreta. Devotiónis nostræ tibi, quǽsumus, Dómine, hóstia júgiter immolétur: quæ et sacri péragat institúta mystérii, et salutáre tuum in nobis mirabíliter operétur. Per Dóminum.

Præfatio de Adventu in the Proprium Parisiense.

Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: per Christum Dóminum nostrum. Quem pérdito hóminum géneri, Salvatórem miséricors et fidélis promisísti; cujus véritas instrúeret ínscios, sánctitas justificáret ímpios, virtus adjuváret infírmos. Dum ergo prope est ut véniat, quem missúrus es, et dies affúlget liberatiónis nostræ, in hac promissiónum tuárum fide, piis gáudiis exsultámus. Et ídeo cum Ángelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes:

 

Sanctus, Benedictus, Agnus Dei.

At Saint-Eugène, at the Communio, the prose Qui regis sceptra of the Church of Paris for the 3rd Sunday of Advent; from the 11th century.

Qui regis sceptra forti dextra solus cuncta:

Tu plebi tuam ostende magnam excitándo poténtiam.

Præsta illi dona salutária. 

Quem prædixérunt prophética vaticínia, 

A clara poli régia: 

In nostra Jesum mitte, Dómine, arva.

Amen.

Communio. Is. 35, 4. Dícite: pusillánimes, confortámini et nolíte timére: ecce, Deus noster véniet et salvábit nos.

Postcommunio. Implorámus, Dómine, cleméntiam tuam: ut hæc divína subsídia, a vítiis expiátos, ad festa ventúra nos prǽparent. Per Dóminum.

✠   ✠   ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus. Per Christum Dóminum nóstrum.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri