Data sunt Angelo incénsa multa, ut daret de oratiónibus sanctórum ómnium super altáre áureum, quod est ante thronum Dei: et ascéndit fumus incensórum de oratiónibus sanctórum coram Deo...
Deus, qui nobis per síngulos annos hujus sancti templi tui consecratiónis réparas diem, et sacris semper mystériis repæséntas incólumes: exáudi preces pópuli tui, et præsta; ut, quisquis hoc templum benefícia petitúrus ingréditur, cuncta se impetrásse lætétur. Per Dóminum.
Tribue, quǽsumus, omnípotens Deus, omnes Sanctos quos nostra fervéntius venerátur Ecclésia iúgiter oráre pro nobis, eósque semper cleménter audíri: ut, quorum intuémur éxitum conversatiónis, fidem imitémur. Per Dominum.
Deus, qui beátum regem Eduárdum Confessórem tuum æternitátis glória coronásti: fac nos, quǽsumus; ita eum venerári in terris, ut cum eo regnáre póssimus in cœlis. Per Dóminum.
I will link to Terribilis est locus iste, which was celebrated not very long ago although I cannot recall at which church, tsk... the feast being the Dedication of the Church of Saint-Eugène-Sainte-Cécile itself. Accessistis ad civitatem Dei viventis is infra, and then I'll add the Holy Confessor's Mass Os iusti meditabitur sapientiam.
At Saint-Eugène, M l'Abbé Cuchet is celebrating Holy Mass, the Mass Os iusti meditabitur sapientiam of the Holy King and Confessor.
The Roman Martyrology today, for tomorrow October 14, the day before the Ides of October.
Introitus. Hebr. 12, 22 et 23. Accessístis ad civitátem Dei vivéntis, Ierúsalem cæléstem, et Ecclésiam primitivórum qui conscrípti sunt in cælis. Ps. 47, 2. Magnus Dóminus et laudábilis nimis: in civitáte Dei nostri, in monte sancto eius. V. Glória Patri.
Kyrie, Gloria.
Oratio. Tríbue, quǽsumus, omnípotens Deus, omnes Sanctos quos nostra fervéntius venerátur Ecclésia iúgiter oráre pro nobis, eósque semper cleménter audíri: ut, quorum intuémur éxitum conversatiónis, fidem imitémur. Per Dominum.
Lectio libri Sapientiae.
Ecclus. 44, 1-15.
Laudémus viros gloriósos et paréntes nostros in generatióne sua. Multam glóriam fecit Dóminus magnificéntia sua a sǽculo. Dominántes in potestátibus suis, hómines magni virtúte et prudéntia sua prǽdití, nuntiántes in prophétis dignitátem prophetárum, et imperántes in præsénti pópulo, et virtúte prudéntiæ pópulis sanctíssima verba. In perítia sua requiréntes modos músicos, et narrántes cármina Scriptutárum. Hómines dívites in virtúte, pulchritúdinis stúdium habentes: pacificántes in dómibus suis. Omnes isti in generatiónibus gentis suæ glóriam adépti sunt, et in diébus suis habéntur in láudibus. Qui de illis nati sunt reliquérunt nomen narrándi laudes eórum. Et sunt quorum non est memória periérunt quasi quí non fúerint, et nati sunt quasi non nati, et fílii ipsórum cum ipsis. Sed illi viri misericórdiæ sunt quorum pietátes non defuérunt: cum sémine eórum pérmanent bona; hæréditas sancta népotes eórum, et in testaméntis stetit semen eórum, et fílii eórum propter illos usque in ætérnum manent. Semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapientiam ipsórum narrent pópuli, et laudem eórum núntiet Ecclesia.
This is the only score of this Mass at Gregobase, used in the Missale Romanum at the feast of All Saints.
Graduale. Ps. 33, 10-11. Timéte Dóminum, omnes sancti eius, quóniam nihil deest timentibus eum. V. Inquiréntes autem Dóminum non defícient omni bono.
Alleluia, allelúia. V. I Jo. 3, 2. Cum Deus apparúerit, símiles ei érimus; quóniam vidébimus eum sícuti est. Allelúia.
✠ Sequentia sancti Evangelii secundum Matthaeum.
Matth. 5, 1-12.
In illo témpore: Videns Iesus turbas, ascéndit in montem, et cum sedísset, accessérunt ad eum discípuli eius, et apériens os suum, docébat eos, dicens: Beáti páuperes spíritu: quóniam ipsórum est regnum cælórum. Beáti mites: quóniam ipsi possidébunt terram. Beáti, qui lugent: quóniam ipsi consolabúntur. Beáti, qui esúriunt et sítiunt iustítiam: quóniam ipsi saturabúntur. Beáti misericórdes: quóniam ipsi misericórdiam consequántur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti, qui persecutiónem patiúntur propter iustítiam: quóniam ipsórum est regnum cælórum. Beáti estis, cum maledíxerint vobis, et persecúti vos fúerint, et díxerint omne malum advérsum vos, mentiéntes, propter me: gaudete et exsultáte, quóniam merces vestra copiósa est in cælis.
Credo.
Offertorium. Apoc. 8, 3-4. Data sunt Angelo incénsa multa, ut daret de oratiónibus sanctórum ómnium super altáre áureum, quod est ante thronum Dei: et ascéndit fumus incensórum de oratiónibus sanctórum coram Deo.
Secreta. Placábilem te nobis reddat, Dómine, et præsens oblátio, et ómnium intercéssio nostræ Ecclesiæ Sanctórum: ut illórum qui iam de sua immortalitáte secúri, adhuc de nostra salúte sunt sollíciti, concíves esse mereámur. Per Dominum.
Sanctus, Benedictus, Agnus Dei.
Communio. Apoc. 5, 9-10. Occísus es, Dómine, et redemísti nos in sánguine tuo ex omni tribu, et lingua, et pópulo, et natióne; et fecísti nos Deo nostro regnum et sacerdótes.
Postcommunio. Dómine, Deus omnípotens, quem unum sanctum adorámus: fac nos in Ecclésiæ triumphántis communióne colléctos, et sanctificatiónem in timóre perfícere, et ex hac cælésti mensa ad perénne transíre convívium. Per Dominum.
✠ ✠ ✠
The Mass of the Confessor Saint Edward, Os iusti meditabitur sapientiam.
Introitus. Ps. 36, 30-31. Os justi meditábitur sapiéntiam, et lingua ejus loquétur judícium: lex Dei ejus in corde ipsíus. Ps. ibid., 1. Noli æmulári in malignántibus: neque zeláveris faciéntes iniquitátem. ℣. Glória Patri.
Kyrie, Gloria.
Oratio. Deus, qui beátum regem Eduárdum Confessórem tuum æternitátis glória coronásti: fac nos, quǽsumus; ita eum venerári in terris, ut cum eo regnáre póssimus in cœlis. Per Dóminum.
Léctio libri Sapiéntiæ.
Eccli. 31, 8-11.
Beátus vir, qui invéntus est sine mácula, et qui post aurum non ábiit, nec sperávit in pecúnia et thesáuris. Quis est hic, et laudábimus eum? fecit enim mirabília in vita sua. Qui probátus est in illo, et perféctus est, erit illi glória ætérna: qui potuit tránsgredi, et non est transgréssus: fácere mala, et non fecit: ídeo stabilíta sunt bona illíus in Dómino, et eleemósynis illíus enarrábit omnis ecclésia sanctórum.
Eccli. 31, 8-11.
Beátus vir, qui invéntus est sine mácula, et qui post aurum non ábiit, nec sperávit in pecúnia et thesáuris. Quis est hic, et laudábimus eum? fecit enim mirabília in vita sua. Qui probátus est in illo, et perféctus est, erit illi glória ætérna: qui potuit tránsgredi, et non est transgréssus: fácere mala, et non fecit: ídeo stabilíta sunt bona illíus in Dómino, et eleemósynis illíus enarrábit omnis ecclésia sanctórum.
Graduale. Ps. 91, 13 et 14. Justus ut palma florébit: sicut cedrus Líbani multiplicábitur in domo Dómini. ℣. Ibid., 3. Annuntiándum mane misericórdiam tuam, et veritátem tuam per noctem.
Allelúja, allelúja. ℣. Jac. 1, 12. Beátus vir, qui suffert tentatiónem: quóniam, cum probátus fúerit, accípiet corónam vitæ. Allelúja.
✠ Sequéntia sancti Evangélii secúndum Lucam.
Luc. 12, 35-40.
In illo témpore: Dixit Jesus discípulis suis: Sint lumbi vestri præcíncti, et lucernæ ardéntes in mánibus vestris, et vos símiles homínibus exspectántibus dóminum suum, quando revertátur a núptiis: ut, cum vénerit et pulsáverit, conféstim apériant ei. Beáti servi illi, quos, cum vénerit dóminus, invénerit vigilántes: amen, dico vobis, quod præcínget se, et fáciet illos discúmbere, et transiens ministrábit illis. Et si vénerit in secúnda vigília, et si in tértia vigília vénerit, et ita invénerit, beáti sunt servi illi. Hoc autem scitóte, quóniam, si sciret pater famílias, qua hora fur veníret, vigiláret útique, et non síneret pérfodi domum suam. Et vos estóte paráti, quia, qua hora non putátis, Fílius hóminis véniet.
Offertorium. Ps. 88, 25. Véritas mea et misericórdia mea cum ipso: et in nómine meo exaltábitur cornu ejus.
Secreta. Laudis tibi, Dómine, hóstias immolámus in tuórum commemoratióne Sanctórum: quibus nos et præséntibus éxui malis confídimus et futúris. Per Dóminum.
Sanctus, Benedictus, Agnus Dei.
Communio. Matth. 24, 46-47. Beátus servus, quem, cum venerit dóminus, invénerit vigilántem: amen, dico vobis, super ómnia bona sua constítuet eum.
Postcommunio. Refécti cibo potúque cœlésti, Deus noster, te súpplices exorámus: ut, in cujus hæc commemoratióne percépimus, eius muniámur et précibus. Per Dóminum.
✠ ✠ ✠
Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus. Per Christum Dóminum nóstrum.
Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.
Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.
Laus Deo Virginique Matri
Comments
Post a Comment