Beátam me dicent omnes generationes, quia fecit mihi magna qui potens est...

Omnípotens Deus, qui sempitérne Immaculátam Vírginem Maríam, Fílii tui genitrícem, córpore et ánima ad cœléstem glóriam assumpsísti: concéde, quǽsumus; ut, ad superna semper inténti, ipsíus glóriæ mereámur esse consórtes. Per eúndem Dóminum.

Da nobis, quǽsumus, omnípotens Deus: vitiórum nostrorum flammas exstínguere; qui beáto Lauréntio tribuísti tormentórum suórum incéndia superáre. Per Dóminum.

Today is Friday in the 9th week post Pentecosten, the 2nd week of August, and the 6th day infra Octavam Sancti Laurentii. It is the great feast of Our Blessed Lady's Assumption into Heaven; Our Lady of the Assumption is the principal Patron of France and Patron of the Church of Avignon in which Le Barroux is located.

The Schola Sainte-Cécile's page for today is here; that of the livret for Holy Mass is here, and for Vespers, the Procession of the Vow of Louis XIII, and Benediction of the Most Blessed Sacrament is here.

The Roman Martyrology today, for tomorrow August 16, the 17th day before the Kalends of September.

The Introit Gaudeamus was replaced by Signum magnum in 1951, after the proclamation of the dogma by Pius XII. From the expert scriptor at Neumz for today's feast:

... Let us remember that the chants of the proper of this solemnity, with the exception of the gradual Audi filia, were composed from pieces of the ancient repertoire, on the occasion of the proclamation of the dogma of the Assumption. In the case of the introit Signum magnum, the melody was borrowed from the introit In virtute tua and Probasti Domine from the common introit of Martyrs outside the Easter Season....

Introitus. Ap. 12, 1. Signum magnum appáruit in cœlo: múlier amicta sole, et luna sub pédibus ejus, et in cápite ejus coróna stellárum duódecim. Ps. 97, 1. Cantáte Dómino cánticum novum: quóniam mirabília fecit. V. Glória Patri.

Kyrie, Gloria.

Oratio. Omnípotens Deus, qui sempitérne Immaculátam Vírginem Maríam, Fílii tui genitrícem, córpore et ánima ad cœléstem glóriam assumpsísti: concéde, quǽsumus ; ut, ad superna semper inténti, ipsíus glóriæ mereámur esse consórtes. Per eúndem Dóminum.

Léctio libri Judith.
Judith 13, 22-25; 15, 10.
Benedíxit te Dóminus in virtúte sua, quia per te ad níhilum redégit inimícos nostros. Benedícta es tu, fília, a Dómino Deo excelso, præ ómnibus muliéribus super terram. Benedíctus Dóminus, qui creávit cœlum et terram, qui te direxit in vúlnera cápitis príncipis inimicórum nostrórum; quia hódie nomen tuum ita magnificávit, ut non recédat laus tua de ore hóminum, qui mémores fúerint virtútis Dómini in ætérnum, pro quibus non pepercísti ánimæ tuæ propter angústias et tribulatiónem géneris tui, sed subvenísti ruínæ ante conspéctum Dei nostri. Tu glória Jerúsalem, tu lætítia Israël, tu honorificéntia pópuli nostri.

Graduale. Ps. 44, 11-12 et 14. Audi, fília, et vide, et inclína aurem tuam, et concupíscit rex decórem tuum. V. Omnis glória ejus fíliæ Regis ab intus, in fímbriis áureis circumamícta varietátibus.

Allelúja, allelúja. V. Assumpta est María in cœlum: gaudet exércitus Angelórum. Allelúja.

Sequentia, from the Proprium of the Church of Paris.

INDVANT justítiam,

Prædicent lætítiam

Qui ministrant Númini.

It in suam réquiem,

Infert cœlo fáciem

Arca viva Dómini.

CHRISTVM, cum huc vénerat,

Quo mater suscéperat,

Non est venter púrior.

In quo, dum hinc révocat,

Matrem Christus cóllocat,

Thronus non est célsior.

QUÆ te, Christe, génuit,

Quæ lactentem áluit,

Nunc beátam dícimus.

Immo, quod credíderit,

Quod sibi vilúerit,

Hinc beátam nóvimus.

O præ muliéribus,

Quin et præ cœlítibus,

Benedicta fília.

Hauris unde plénior,

Hoc e fonte crébior

Stillet in nos grátia.

AD eum ut ádeant,

Per te vota tránseant:

Non fas matrem réjici.

Amet tuam Gálliam,

Regi det justítiam,

Plebi pacem súpplici.

Amen.

✠  Sequéntia sancti Evangélii secúndum Lucam.
Luc. 1, 41-50.
In illo témpore: Repléta est Spíritu Sancto Elisabeth et exclamávit voce magna, et dixit: Benedícta tu inter mulíeres, et benedíctus fructus ventris tui. Et unde hoc mihi ut véniat mater Dómini mei ad me? Ecce enim ut facta est vox salutatiónis tuæ in áuribus meis, exsultávit in gáudio infans in útero meo. Et beáta, quæ credidísti, quóniam perficiéntur ea, quæ dicta sunt tibi a Dómino. Et ait María: Magníficat ánima mea Dóminum; et exsultávit spíritus meus in Deo salutári meo; quia respéxit humilitátem ancíllæ suæ, ecce enim ex hoc beátam me dicent omnes generatiónes. Quia fecit mihi magna qui potens est, et sanctum nomen ejus, et misericórdia ejus a progénie in progénies timéntibus eum.

Credo.

At Saint-Eugène, during the incensing at the Offertory, the pilgrimage song Stella splendens in monte from the 14th century Livre vermeil at Montserrat will be sung. 

R/. Stella splendens in monte ut solis rádium
Miráculis serráto exaúdi pópulum.

V/. Concúrrunt univérsi gaudéntes pópuli
Dívites et egéni grandes et párvuli
Ipsum ingrediúntur ut cernunt óculi
Et inde revertúntur grátiis repléti.

V/. Príncipes et magnátes extírpe régia
Sæculi potestátes obténta vénia
Peccáminum proclámant tundéntes pectóra
Póplite flexo clamant hic: Ave María.

V/. Preláti et barónes cómites íncliti
Religiósi omnes atque presbyteri
Mílites mercatóres cives marinári
Burgénses piscatóres præmiántur ibi.

V/. Rustíci, aratóres nec non notárii
Advocáti, sculptóres, cuncti ligni fabri,
Sartóres et sutóres nec non lanífici
Artífices et omnes gratulántur ibi.

V/. Regínæ, comitíssæ, illústres dóminæ,
Poténtes et ancíllæ, júvenes párvulæ
Vírgines et antíquæ paríter víduæ
Conscéndunt et hunc montem et religiósæ.

V/. Coetus hi aggregántur, hic ut exhibéant
Vota, regratiántur, ut ipsa et reddant
Aulam istam ditántes, hoc cuncti vídeant,
Jocálibus ornántes, solúti rédeant.

V/. Cuncti ergo precántes sexus utríusque,
Mentes nostras mundántes orémus devóte.
Vírginem gloriósam, matrem cleméntiæ,
In cœlis gratiósam sentiámus vere.

Offertorium. Gen. 3, 15. Inimicítias ponam inter te et mulíerem, et semen tuum et semen illíus.

Secreta. Ascéndat ad te, Dómine, nostræ devotiónis oblátio, et, beatíssima Vírgine María in cœlum assumpta intercedénte, corda nostra, caritátis igne succénsa, ad te júgiter ádspirent. Per Dóminum.

Præfatio de Beatissima Maria Virgine.

Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Et te in Assumptione beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cæli cælorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti jubeas, deprecámur, súpplici confessióne dicéntes:

Sanctus, Benedictus, Agnus Dei.

Communio. Luc. 1, 48-49. Beátam me dicent omnes generationes, quia fecit mihi magna qui potens est.

Postcommunio. Sumptis, Dómine, salutáribus sacraméntis: da, quǽsumus; ut, méritis et intercessióne beátæ Vírginis Maríæ in cœlum assúmptæ, ad resurrectiónis glóriam perducámur. Per Dóminum.

✠      ✠      ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus. Per Christum Dóminum nóstrum.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri