Alleluia, Dóminus in Sina in sancto, ascéndens in altum, captívam duxit captivitátem, allelúja, alleluia....

Concéde, quǽsumus, omnípotens Deus: ut, qui hodiérna die Unigénitum tuum, Redemptórem nostrum, ad cœlos ascendísse crédimus; ipsi quoque mente in cœléstibus habitémus. Per eúndem Dóminum.

Deus, qui beátam Joánnam Vírginem ad fidem ac pátriam tuéndam mirabíliter suscitásti: da, quǽsumus, ejus intercessióne; ut Ecclésia tua, hóstium superátis insídiis, perpétua pace fruátur. Per Dóminum.

Today is the 2nd day infra Octavam Ascensionis Domini, the Friday in the 5th week post Pascha. In the Traditional Rite, the Mass of the feast, Viri Galilaei quid admiramini aspicientes, is said each day (although there is a proper Mass for the Sunday infra Octavam) until the Vigil of Pentecost, apart from the feasts of the Saints. The Mass Viri Galilaei quid admiramini aspicientes is here. At Le Barroux, the feast of the Virgin Saint Joan of Arc is kept; the Mass being... Cantemus Domino? I'm going to presume that this Mass is what will be celebrated at Saint-Eugène. We shall see how closely Cantemus Domino, from the Missale Romanum's supplement pro aliquibus locis, tracks what is sung at Le Barroux (and presumably at Saint-E.). In fact, last year the feast fell on the Dominica infra Octavam Ascensionis Domini, and this Mass was indeed sung at Saint-E. (with commemoration of the Sunday). 

That M Rigot is at the organ again today suggests to me that the Mass of Sainte Jeanne will be said; M le Curé is celebrating Holy Mass... indeed that of the Holy Virgin, la Pucelle. With the commemoration of the Martyr Pope Saint Felix I (I neglected to mention this feast in the Missale Romanum until this point, tsk; all is from the Common). 

Introitus. Exodi 15, 1 et 2. Cantémus Dómino: glorióse enim magnificátus est. Fortitúdo mea et laus mea Dóminus, et factus est mihi in salútem, allelúja, allelúja. Ps. 97, 1. Cantáte Dómino cánticum novum, quia mirabília fecit. ℣. Glória Patri.

Kyrie, Gloria.

Oratio. Deus, qui beátam Joánnam Vírginem ad fidem ac pátriam tuéndam mirabíliter suscitásti: da, quǽsumus, ejus intercessióne; ut Ecclésia tua, hóstium superátis insídiis, perpétua pace fruátur. Per Dóminum.

Oratio. Gregem tuum, Pastor ætérne, placátus inténde: et, per beátum Felicem Mártyrem tuum atque Summum Pontíficem, perpétua protectióne custódi; quem totíus Ecclésiæ præstitísti esse pastórem. Per Dóminum nostrum.

Léctio libri Sapiéntiæ.
Sap. 8, 9-15.
Propósui sapiéntiam addúcere mihi ad convivéndum: sciens, quóniam mecum communicábit de bonis, et erit allocútio cogitatiónis et tǽdii mei. Habébo, propter hanc, claritátem ad turbas et honórem apud senióres júvenis: et acútus invéniar in judício, et in conspéctu poténtium admirábilis ero, et fácies príncipum mirabúntur me: tacéntem me sustinébunt, et loquéntem me respícient, et, sermocinánte me plura, manus ori suo impónent. Prætérea habébo, per hanc, immortalitátem: et memóriam ætérnam his, qui post me futúri sunt, relínquam. Dispónam pópulos: et nationes mihi erunt súbditae. Timébunt me audiéntes reges horréndi: in multitúdine vidébor bonus et in bello fortis.

Allelúja, allelúja. ℣. Judith 15, 11. Fecísti viríliter, et confortátum est cor tuum: manus Dómini confortávit te, et ideo eris benedícta in ætérnum.

Allelúja. ℣. Ibid. 8, 29. Nunc ergo ora pro nobis, quóniam múlier sancta es et timens Deum. Allelúja.

✠ Sequéntia sancti Evangélii secúndum Matthǽum.
Matth. 16, 24-27.
In illo témpore: Dixit Jesus discípulis suis: Si quis vult post me veníre, ábneget semetípsum, et tollat crucem suam, et sequátur me. Qui enim volúerit ánimam suam salvam fácere, perdet eam: qui autem perdíderit ánimam suam propter me, invéniet eam. Quid enim prodest hómini, si mundum univérsum lucrétur, ánimæ vero suæ detriméntum patiátur? Aut quam dabit homo commutatiónem pro ánima sua? Fílius enim hóminis ventúrus est in glória Patris sui cum Angelis suis: et tunc reddet unicúique secúndum ópera ejus.

Offertorium. Judith 15, 10. Benedixérunt eam omnes una voce, dicéntes: Tu glória Jerúsalem, tu lætítia Israël, tu honorificéntia pópuli nostri, allelúja.

Secreta. Hæc hóstia salutáris, Dómine, illam nobis in rebus árduis cónferat fortitúdinem, cujus beáta Joánna, sub tanta discríminum varietáte, tam insígnia prǽbuit exémpla: ut, ad inimícos repelléndos, étiam belli perícula subíre non dubitáverit. Per Dóminum.

Secreta. Oblátis munéribus, quǽsumus, Dómine, Ecclésiam tuam benígnus illúmina: ut, et gregis tui profíciat ubique succéssus, et grati fiant nómini tuo, te gubernánte, pastóres. Per Dóminum.

Praefatio de Sanctis. This is the Preface proper in the Church of Paris i.e. probably not what will be sung at Le Barroux.

Vere dignum et justum est, æquum et salutáre nos tibi semper et ubíque grátias ágere, Dómine sancte, Pater omnípotens, ætérne Deus: Qui glorificáris in concílio Sanctórum, et eórum coronándo mérita, corónas dona tua: Qui nobis in eórum præbes, et conversatióne exémplum, et communióne consórtium et intercessióne subsídium: ut tantam habéntes impósitam nubem téstium, per patiéntiam currámus ad propósitum nobis certámen, et cum eis percipiámus immarcescíbilem glóriæ corónam: per Jesum Christum Dóminum nostrum, cujus sánguine ministrátur nobis intróitus in ætérnum regnum. Per quem majestátem tuam treméntes adórant Angeli et omnes Spirítuum cæléstium chori sócia exsultatióne concélebrant. Cum quibus et nostras voces ut admítti júbeas deprecámur, súpplici confessióne dicéntes:

Sanctus, Benedictus, Agnus Dei.

Communio. Ps. 22, 4. Si ambulávero in médio umbræ mortis, non timébo mala, quóniam tu mecum es, Dómine Jesu, allelúja.

Postcommunio. Cœlésti pane reféctos, qui tóties beátam Joánnam áluit ad victóriam: præsta, quǽsumus, omnípotens Deus; ut hoc salútis aliméntum de inimícis nostris victóres nos effíciat. Per Dóminum.

Postcommunio. Multíplica, quæsumus, Dómine, in Ecclesia tua 

spíritum grátiæ, quem dedísti: ut beáti Felicis Martyris tui atque Summi Pontíficis deprecatióne nec pastóri obœdiéntia gregis nec gregi desit cura pastóris. Per Dóminum.

✠    ✠    ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibusresurgámus. Per Christum Dóminum nóstrum.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri