Ego sum vitis vera: et Pater meus agrícola est...

 

Præsta, quǽsumus, omnípotens Deus: ut beáti Petri Martyris tui fidem cóngrua devotióne sectémur; qui, pro ejúsdem fídei dilatatióne, martýrii palmam méruit obtinére. Per Dóminum.

Deus, qui nos Sanctorum tuorum et sollemnitate laetificas, et imitatione suscitas ad profectum: praesta, ut quos veneramur officio, etiam piae conversationis sequamur exemplo. Per Dominum.

Intercessio nos, quaesumus, Domine, beati Roberti Abbatis commendet: ut, quod nostris meritis non valemus, ejus patrocinio assequamur. Per Dominum.

Today is Tuesday post Octavam Paschae. At Le Barroux, the feast of the Confessors Saints Odo, Maiolus, Odilo and Hugo, abbots of Cluny, with the commemoration of the Abbot Saint Robert of Molesmes, is celebrated. The Mass, Venite benedicti Patris mei percipite regnum alleluia, is in the 1923 Benedictine proprium sanctorum. Hmm. The Le Barroux ordo does indeed provide this Mass and this feast today but on their... well, the long and short is that at this hour (shortly before 0600) yesterday's Solemn Requiem for the late Roman Pontiff page is still displayed on their site, eh. I'll check back later on.

In the traditional Kalendarium Romanum, it is the feast of the Martyr Saint Peter of Verona, whose Mass, Protexisti me Deus a conventu malignantium alleluia, will (presumably!) be celebrated at Saint-Eugène. This Mass of the Holy Martyr follows, with the Mass of the Holy Abbots infra. M Durodié, the pastor, celebrated Holy Mass today, the Mass of Saint Peter.

Introitus. Ps. 63, 3. Protexísti me, Deus, a convéntu malignántium, allelúja: a multitúdine operántium iniquitátem, allelúja. allelúja. Ps. ib., 2. Exáudi, Deus, oratiónem meam, cum déprecor: a timore inimíci éripe ánimam meam. V. Glória Patri.

Kyrie, Gloria.

Oratio. Præsta, quǽsumus, omnípotens Deus: ut beáti Petri Martyris tui fidem cóngrua devotióne sectémur; qui, pro ejúsdem fídei dilatatióne, martýrii palmam méruit obtinére. Per Dóminum.

Léctio Epístolæ beáti Pauli Apóstoli ad Timótheum.
2. Tim. 2, 8-10; 3, 10-12.
Caríssime: Memor esto, Dóminum Jesum Christum resurrexísse a mórtuis ex sémine David, secúndum Evangélium meum, in quo labóro usque ad víncula, quasi male óperans: sed verbum Dei non est alligátum. Ideo ómnia sustíneo propter eléctos, ut et ipsi salútem consequántur, quæ est in Christo Jesu, cum glória cœlésti. Tu autem assecútus es meam doctrínam, institutiónem, propósitum, fidem, longanimitátem, dilectiónem, patiéntiam, persecutiónes, passiónes: quália mihi facta sunt Antiochíæ, Icónii et Lystris: quales persecutiónes sustínui, et ex ómnibus erípuit me Dóminus. Et omnes, qui pie volunt vívere in Christo Jesu, persecutiónem patiéntur.

Allelúja, allelúja. V. Ps. 88, 6. Confitebúntur cœli mirabília tua, Dómine: étenim veritátem tuam in ecclésia sanctórum.

Allelúja. V. Ps. 20, 4. Posuísti, Dómine, super caput ejus corónam de lápide pretióso. Allelúja.

✠ Sequéntia sancti Evangélii secúndum Joánnem.
Joann. 15, 1-7.
In illo témpore: Dixit Jesus discípulis suis: Ego sum vitis vera: et Pater meus agrícola est. Omnem pálmitem in me non feréntem fructum, tollet eum: et omnem, qui fert fructum, purgábit eum, ut fructum plus áfferat. Jam vos mundi estis propter sermónem, quem locútus sum vobis. Manéte in me: et ego in vobis. Sicut palmes non potest ferre fructum a semetípso, nisi mánserit in vite: sic nec vos, nisi in me manséritis. Ego sum vitis, vos pálmites: qui manet in me, et ego in eo, hic fert fructum multum: quia sine me nihil potéstis fácere. Si quis in me non mánserit, mittétur foras sicut palmes, et aréscet, et cólligent eum, et in ignem mittent, et ardet. Si manséritis in me, et verba mea in vobis mánserint: quodcúmque voluéritis, petétis, et fiet vobis.

Offertorium. Ps. 88. 6. Confitebúntur cœli mirabília tua, Dómine: et veritátem tuam in ecclésia sanctórum, allelúja. allelúja.

Secreta. Preces, quas tibi, Dómine, offérimus, intercedénte beáto Petro Mártyre tuo, cleménter inténde: et propugnatóres fídei sub tua protectióne custódi. Per Dóminum.

Sanctus, Benedictus, Agnus Dei.

Communio. Ps. 63, 11. Lætábitur justus in Dómino, et sperábit in eo: et laudabúntur omnes recti corde, allelúja. allelúja.

Postcommunio. Fidéles tuos, Dómine, custódiant sacraménta, quæ súmpsimus: et, intercedénte beáto Petro Mártyre tuo, contra omnes advérsos tueántur incúrsus. Per Dóminum.

✠    ✠    ✠

The Mass of the Holy Abbots, Confessors, at Le Barroux, Venite benedicti Patris mei percipite regnum alleluia. Since this Mass wasn't in fact streamed, I'm not going to add the scores. But it is still only 0602. Ah, I did after all, since the Venite benedicti is so beautiful, and the Alleluias.

Introitus. Matth. 25, 34. Venite, benedicti Patris mei, percipite regnum, alleluja: quod vobis pardtum est ab origine mundi, alleluja, alleluja, alleluija. Ps. 95, 1. Cantate Domino canticum novum: cantate Domino omnis terra. V. Gloria Patri.

Kyrie, Gloria.

Oratio. Deus, qui nos Sanctorum tuorum et sollemnitate laetificas, et imitatione suscitas ad profectum: praesta, ut quos veneramur officio, etiam piae conversationis sequamur exemplo. Per Dominum.

Oratio. Intercessio nos, quaesumus, Domine, beati Roberti Abbatis commendet: ut, quod nostris meritis non valemus, ejus patrocinio assequamur. Per Dominum.

Lectio libri Sapientiae.
Eccli. 17, 6, 13.
Creavit illis Deus scientiam spiritus, sensu implevit cor illorum, et mala et bona ostendit illis. Posuit oculum suum super corda illorum, ostendere illis magnalia operum suorum, ut nomen sanctificationis collaudent: et gloriari in mirabilibus illius, ut magnalia enarrent operum ejus. Addidit illis disciplinam, et legem vitae hereditavit illos. Testamentum aeternum constituit cum illis, et justitiam, et judicia sua ostendit illis. Et magnalia honoris ejus vidit oculus illorum, et honorem vocis audierunt aures illorum, et dixit illis: Attendite ab omni iniquo. Et mandavit illis unicuique de proximo suo. Viae illorum coram ipso sunt semper, non sunt absconsae ab oculis ipsius.

Alleluja, alleluja. V. Ps. 88, 6. Confitebuntur caeli mirabilia tua, Domine: etenim veritatem tuam in ecclesia sanctorum.

Alleluja. V. Osee 14, 6. Justus germinabit sicut lilium: et florebit in aeternum ante Dominum. Alleluja.

✠ Sequentia sancti Evangelii secundum Ioannem.
Joann. 15, 5-11.
In illo tempore: Dixit Jesus discipulis suis: Ego sum vitis, vos palmites: qui manet in me, et ego in eo, hic fert fructum multum, quia sine me nihil potestis facere. Si quis in me non manserit, mittetur foras sicut palmes, et arescet, et colligent eum, et in ignem mittent, et ardet. Si manseritis in me, et verba mea in vobis manserint, quodcumque volueritis petetis, et fiet vobis. In hoc clarificatus est Pater meus, ut fructum plurimum afferatis, et efficiamini mei discipuli. Sicut dilexit me Pater, et ego dilexi vos. Manete in dilectione mea. Si præcepta mea servaveritis, manebitis in dilectione mea, sicut et ego Patris mei præcepta servavi, et maneo in ejus dilectione. Hac locutus sum vobis, ut gaudium meum in vobis sit, et gaudium vestrum impleatur.

Offertorium. Ps. 89, 14. Repleti sumus mane misericordia tua: et exsultavimus et delectati sumus, alleluia.

Secreta. Sacrificium Domine quaesumus beatorum Odonis, Majoli, Odilonis, et Hugonis precatio sancta conciliet, ut quorum honore solemniter exhibetur, eorum meritis efficiatur acceptum. Per Dominum.

Secreta. Sacris altaribus Domine hostias superpositas Sanctus Robertus Abbas quaesumus in salutem nobis provenire deposcat. Per Dominum.

Sanctus, Benedictus, Agnus Dei.

Communio. Joann. 15, 5. Ego sum vitis vera et vos palmites, qui manet in me et ego in eo hic fert fructum multum.

Postcommunio. Gratias tibi offerimus Domine qui nos et caelestic participatione Sacramenti, et tuorum reficis celebritate iustorum. Per Dominum.

Postcommunio. Protegat nos, Domine, cum tui perceptione sacramenti beatus Robertus Abbas, pro nobis intercedendo: ut et conversationis ejus experiamur insignia, et intercessionis percipiamus suffragia. Per Dominum.

✠    ✠    ✠

Concéde, miséricors Deus, fragilitáti nostræ præsídium; ut, qui sanctæ Dei Genitrícis memóriam ágimus; intercessiónis ejus auxílio, a nostris iniquitátibus resurgámus. Per Christum Dóminum nóstrum.

Deus, a quo sancta desidéria, recta consília, et justa sunt ópera: da servis tuis illam, quam mundus dare non potest, pacem; ut et corda nostra mandátis tuis dédita, et hóstium subláta formídine, témpora sint tua protectióne tranquílla. Per Dóminum.

Deus, qui caritátis dona per grátiam Sancti Spíritus tuórum fidélium córdibus infudísti: da fámulis et famulábus tuis, pro quibus tuam deprecámur cleméntiam, salútem mentis et córporis; ut te tota virtúte díligant, et quæ tibi plácita sunt, tota dilectióne perfíciant. Per Dóminum.

Laus Deo Virginique Matri