R. Æstimátus sum cum descendéntibus in lacum: * Factus sum sicut homo sine adjutório, inter mórtuos liber. V. Posuérunt me in lacu inferióri, in tenebrósis, et in umbra mortis. R. Factus sum sicut homo sine adjutório, inter mórtuos liber.
The Officium Tenebrarum begins at Saint-Eugène at 1400 here. The Liturgia page is here, and the libellus is here. The chant scores and texts are here. The 3rd lesson of the 1st nocturn, the Oratio Ieremiae Prophetae, will be sung in the version (restored by M de Villiers) of a M Chabert, maître de chapelle and organist of Saint-Agricol in Avignon, at the beginning of the 18th century; the score for this is here.
R. Sicut ovis ad occisiónem ductus est, et dum male tractarétur, non apéruit os suum: tráditus est ad mortem,* Ut vivificáret pópulum suum.V. Trádidit in mortem ánimam suam, et inter scelerátos reputátus est.R. Ut vivificáret pópulum suum.
R. Jerúsalem, surge, et éxue te véstibus jucunditátis: indúere cínere et cilício,* Quia in te occísus est Salvátor Israël.V. Deduc quasi torréntem lácrimas per diem et noctem, et non táceat pupílla óculi tui.R. Quia in te occísus est Salvátor Israël.
R. Plange quasi virgo, plebs mea: ululáte, pastóres, in cínere et cilício:* Quia venit dies Dómini magna, et amára valde.V. Accíngite vos, sacerdótes, et plángite, minístri altáris, aspérgite vos cínere.R. Quia venit dies Dómini magna, et amára valde.Gloria Patri omittitur.R. Plange quasi virgo, plebs mea: ululáte, pastóres, in cínere et cilício: * Quia venit dies Dómini magna, et amára valde.
R. Recéssit pastor noster, fons aquæ vivæ, ad cujus tránsitum sol obscurátus est:* Nam et ille captus est, qui captívum tenébat primum hóminem: hódie portas mortis et seras páriter Salvátor noster disrúpit.V. Destrúxit quidem claustra inférni, et subvértit poténtias diáboli.R. Nam et ille captus est, qui captívum tenébat primum hóminem: hódie portas mortis et seras páriter Salvátor noster disrúpit.
R. O vos omnes, qui transítis per viam, atténdite, et vidéte,* Si est dolor símilis sicut dolor meus.V. Atténdite, univérsi pópuli, et vidéte dolórem meum.R. Si est dolor símilis sicut dolor meus.
R. Ecce quómodo móritur justus, et nemo pércipit corde: et viri justi tollúntur, et nemo consíderat: a fácie iniquitátis sublátus est justus:* Et erit in pace memória ejus.V. Tamquam agnus coram tondénte se obmútuit, et non apéruit os suum: de angústia et de judício sublátus est.R. Et erit in pace memória ejus.Gloria Patri omittitur.R. Ecce quómodo móritur justus, et nemo pércipit corde: et viri justi tollúntur, et nemo consíderat: a fácie iniquitátis sublátus est justus: * Et erit in pace memória ejus.
R. Astitérunt reges terræ, et príncipes convenérunt in unum,* Advérsus Dóminum, et advérsus Christum ejus.V. Quare fremuérunt gentes, et pópuli meditáti sunt inánia?R. Advérsus Dóminum, et advérsus Christum ejus.
R. Æstimátus sum cum descendéntibus in lacum:* Factus sum sicut homo sine adjutório, inter mórtuos liber.V. Posuérunt me in lacu inferióri, in tenebrósis, et in umbra mortis.R. Factus sum sicut homo sine adjutório, inter mórtuos liber.
R. Sepúlto Dómino, signátum est monuméntum, volvéntes lápidem ad óstium monuménti:* Ponéntes mílites, qui custodírent illum.V. Accedéntes príncipes sacerdótum ad Pilátum, petiérunt illum.R. Ponéntes mílites, qui custodírent illum.Gloria Patri omittiturR. Sepúlto Dómino, signátum est monuméntum, volvéntes lápidem ad óstium monuménti: * Ponéntes mílites, qui custodírent illum.
Christus factus est pro nobis obédiens usque ad mortem, mortem autem crucis: propter quod et Deus exaltávit illum, et dedit illi nomen quod est super omne nomen.
Pater noster secreto.
Psalmus 50 sine antiphona aliquantulus altius.
R. Amen.
LDVM
Comments
Post a Comment