Siquis sitit, véniat ad me et bibat: qui credit in me, sicut dicit Scriptúra, flúmina de ventre ejus fluent aquæ vivæ...

Sanctífica, quǽsumus, Dómine, nostra jejúnia: et cunctárum
nobis indulgéntiam propítius largíre culpárum. Per Dóminum.

Today is Monday infra Hebdomadam Passionis; the feast of the Confessor Saint Cyril of Jerusalem, Bishop and Doctor of the Church, was commemorated from 1888 onward but at Lauds only (well, and in the Holy Mass) from the re-arrangements of Ioannes XXIII. The Mass is Miserere mihi Domine.

Statio ad S. Chrysogonum

The Introit antiphon Miserere mihi Domine seems to be the only part of this Mass to survive for today in the Pauline Rite. (I'm basing this on what is in the Graduale triplex; am not looking in the Pauline Missal itself.) 

No streaming of Holy Mass from Saint-Eugène today, it seems. 

Introitus. Ps. 55, 2. Miserére mihi, Dómine, quóniam conculcávit me homo: tota dic bellans tribulávit me. Ps. ibid., 3. Conculcavérunt me inimíci mei tota die: quóniam multi bellántes advérsum me. Miserére.

Kyrie.

Oratio. Sanctífica, quǽsumus, Dómine, nostra jejúnia: et cunctarum nobis indulgéntiam propítius largíre culpárum. Per Dóminum.

Oratio. Da nobis, quǽsumus, omnípotens Deus, beáto Cyrillo Pontífice intercedénte: te solum verum Deum, et quem misísti Jesum Christum ita cognóscere; ut inter oves, quæ vocem ejus áudiunt, perpétuo connumerári mereámur. Per eúndem Dóminum.

Léctio Jonæ Prophétæ.
Jonæ 3, 1-10.
In diébus illis: Factum est verbum Dómini ad Jonam Prophétam secúndo, dicens: Surge, et vade in Níniven civitátem magnam: et prǽdica in ea prædicatiónem, quam ego loquor ad te. Et surréxit Jonas, et ábiit in Níniven juxta verbum Dómini. Et Nínive erat civitas magna itínere trium diérum. Et cœpit Jonas introíre in civitátem itínere diéi uníus: et clamávit et dixit: Adhuc quadragínta dies, et Nínive subvertétur. Et credidérunt viri Ninivítæ in Deum: et prædicavérunt jejúnium, et vestíti sunt saccis a majore usque ad minórem. Et pervénit verbum ad regem Nínive: et surréxit de sólio suo, et abjécit vestiméntum suum a se, et in dútus est sacco, et sedit in cínere. Et clamávit et dixit in Nínive ex ore regis et príncipum ejus, dicens: Hómines et juménta et boves et pécora non gustent quidquam: nec pascántur, et aquam non bibant. Et operiántur saccis hómines et juménta, et clament ad Dóminum in fortitúdine, et convertátur vir a via sua mala, et ab iniquitáte, quæ est in mánibus eórum. Quis scit, si convertátur et ignóscat Deus: et revertátur a furóre iræ suæ, et non períbimus? Et vidit Deus ópera eórum, quia convérsi sunt de via sua mala: et misértus est pópulo suo Dominus, Deus noster.

No idea whence the difference between the libera printed in the 1923 Missale Romanum and the judica printed in the 1961 Graduale Romanum. This has to do with the Solesmes work restoring 'original texts', perhaps (the editions of the Vulgate that I looked at read judica).

Graduale. Ps. 53,4 et 3. Deus, exáudi oratiónem meam: áuribus pércipe verba oris mei. ℣. Deus, in nómine tuo salvum me fac, et in virtúte tua líbera [judica] me.

Tractus. Ps. 102, 10. Dómine, non secúndum peccáta nostra, quae fécimus nos: neque secúndum iniquitátes nostras retríbuas nobis. ℣. Ps. 78, 8-9. Dómine, ne memíneris iniquitátum nostrárum antiquárum: cito antícipent nos misericórdiæ tuæ, quia páuperes facti sumus nimis. Hic genuflectitur. ℣. Adjuva nos, Deus, salutáris noster: et propter glóriam nóminis tui, Dómine, líbera nos: et propítius esto peccátis nostris, propter nomen tuum.

✠ Sequéntia sancti Evangélii secúndum Joánnem.
Joann. 7, 32-39.
In illo témpore: Misérunt príncipes et pharisǽi minístros, ut apprehénderent Jesum. Dixit ergo eis Jesus: Adhuc módicum tempus vobíscum sum: et vado ad eum, qui me misit. Quærétis me, et non inveniétis: et ubi ego sum, vos non potéstis veníre. Dixérunt ergo Judǽi ad semetípsos: Quo hic itúrus est, quia non inveniémus eum? numquid in dispersiónem géntium itúrus est, et doctúrus gentes? Quis est hic sermo, quem dixit: Quæ rétis me, et non inveniétis: et ubi sum ego, vos non potéstis veníre. In novíssimo autem die magno festivitátis stabat Jesus, et clamábat, dicens: Siquis sitit, véniat ad me et bibat. Qui credit in me, sicut dicit Scriptúra, flúmina de ventre ejus fluent aquæ vivæ. Hoc autem dixit de Spíritu, quem acceptúri erant credéntes in eum.

Offertorium. Ps. 6, 5. Dómine, convértere, et éripe ánimam meam: salvum me fac propter misericórdiam tuam.

Secreta. Concéde nobis, Dómine, Deus noster: ut hæc hóstia salutáris et nostrórum fiat purgátio delictórum, et tuæ propitiátio majestátis. Per Dóminum.

Secreta. Réspice, Dómine, immaculátam hóstiam, quam tibi offérimus: et præsta; ut, méritis beáti Pontíficis et Confessóris tui Cyrílli, eam mundo corde suscípere studeámus. Per Dóminum.

Præfatio de Cruce.

Sanctus, Benedictus, Agnus Dei.

Communio. Ps. 23, 10. Dóminus virtútum ipse est Rex glóriæ.

Postcommunio. Sacraménti tui, quǽsumus, Dómine, participátio salutáris, et purificatiónem nobis tríbuat, et medélam. Per Dóminum.

Postcommunio. Sacraménta Córporis et Sánguinis tui, quæ súmpsimus, Dómine Jesu Christe: beáti Cyrílli Pontíficis précibus, mentes et corda nostra sanctíficent; ut divínæ consórtes natúræ éffici
mereámur: Qui vivis.

Oratio super populum. Humiliáte cápita vestra Deo. Da, quǽsumus, Dómine, pópulo tuo salútem mentis et córporis: ut, bonis operibus inhæréndo, tua semper mereátur protectióne deféndi. Per Dóminum.

LDVM