Gloriósa dicta sunt de te, cívitas Dei: tu glória Jerúsalem, tu lætítia Israël, tu honorificéntia pópuli nostri...

Preces pópuli tui, quǽsumus, Dómine, cleménter exáudi: ut, qui juste pro peccátis nostris afflígimur, pro tui nóminis glória misericórditer liberémur.

Today is Saturday post Septuagesimam, and the feast of Saint Blaise, Bishop and Martyr. Because of the liturgical rank had by the feast (simplex or 4th class or...), it seems to have always (from 1570 until the imposition of the Pauline Rite) been the case that e.g. Our Lady's Commemoration on Saturday has precedence. At Le Barroux, the monks sang the votive Pontifical Mass of Our Lady's Immaculate Conception, Gaudens gaudebo in Domino, marking the 25th anniversary of the profession of one of the monks; the feast of the Holy Martyr was commemorated. I will put that Mass here and keep Saint Blaise's Sacerdotes Dei benedicite Dominum for next year (although I'm sure it will be sung before then): it is Our Lady's day, after all.

Introitus. Is. 61, 10. Gaudens gaudébo in Dómino, et exsultábit ánima mea in Deo meo: quia índuit me vestiméntis salútis: et induménto justítiæ circúmdedit me, quasi sponsam ornátam monílibus suis. Ps. 29, 2. Exaltábo te, Dómine, quóniam suscepísti me: nec delectásti inimícos meos super me. ℣. Glória Patri.

Kyrie, Gloria.

Oratio. Deus, qui per immaculátam Vírginis Conceptiónem dignum Fílio tuo habitáculum præparásti: quǽsumus; ut, qui ex morte ejúsdem Filii tui prævísa eam ab omni labe præservásti, nos quoque mundos ejus intercessióne ad te perveníre concédas. Per eúndem Dóminum.

Oratio. Deus, qui nos beáti Blasii Mártyris tui atque Pontíficis ánnua sollemnitáte lætíficas: concéde propítius; ut, cujus natalítia cólimus, de ejúsdem étiam protectióne gaudeámus. Per Dóminum.

Léctio libri Sapiéntiæ.
Prov. 8. 22-35.
Dóminus possedit me in inítio viárum suárum, ántequam quidquam fáceret a princípio. Ab ætérno ordináta sum, et ex antíquis, ántequam terra fíeret. Nondum erant abýssi, et ego jam concepta  eram: necdum fontes aquárum erúperant: necdum montes gravi mole constíterant: ante colles ego parturiébar: adhuc terram non fécerat et flúmina et cárdines orbis terræ. Quando præparábat cœlos, aderam: quando certa lege et gyro vallábat abýssos: quando ǽthera firmábat sursum et librábat fontes aquárum: quando circúmdabat mari términum suum et legem ponébat aquis, ne transírent fines suos: quando appendébat fundaménta terræ. Cum eo eram cuncta compónens: et delectábar per síngulos dies, ludens coram eo omni témpore: ludens in orbe terrárum: et delíciæ meæ esse cum filiis hóminum. Nunc ergo, filii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. Beátus homo, qui audit me et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam et háuriet salútem a Dómino.

Graduale. Judith 13, 23. Benedícta es tu. Virgo María, a Domino, Deo excélso, præ ómnibus muliéribus super terram, ℣. Ibid. 15, 10. Tu glória Jerúsalem, tu lætítia Israël, tu honorificéntia pópuli nostri.

Tractus. Ps. 86, 1-2. Fundaménta ejus in móntibus sanctis: diligit Dóminus portas Sion super ómnia tabernácula Jacob. ℣. Ibid., 3. Gloriósa dicta sunt de te, cívitas Dei. ℣. Ibid., 5. Homo natus est in ea, et ipse fundávit eam Altíssimus.

✠ Sequéntia sancti Evangélii secúndum Lucam.
Luc. 1, 26-28.
In illo témpore: Missus est Angelus Gábriël a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit: Ave, grátia plena; Dóminus tecum: benedícta tu in muliéribus.

After his homily, the Lord Abbot received the renewal of Frater Athanasius's vows. 

Offertorium. Luc. 1, 28. Ave, María, grátia plena; Dóminus tecum: benedícta tu in muliéribus.

Secreta. Salutárem hóstiam, quam in commemoratióne immaculátæ Conceptiónis beátæ Vírginis Maríæ tibi, Dómine, offérimus, súscipe et præsta: ut, sicut illam tua grátia præveniénte ab omni labe  immúnem profitémur; ita ejus intercessióne a culpis omnibus liberémur. Per Dóminum.

Secreta. Múnera tibi, Dómine, dicáta sanctífica: et, intercedénte beáto Blasio Mártyre tuo atque Pontífice, per éadem nos placátus inténde. Per Dóminum.

Sanctus, Benedictus, Agnus Dei.

Communio. Gloriósa dicta sunt de te, María: quia fecit tibi magna qui potens est.

Postcommunio. Sacraménta quæ súmpsimus, Dómine, Deus noster: illíus in nobis culpæ vúlnera réparent; a qua immaculátam beatae Maríæ Conceptiónem singuláriter præservásti. Per Dóminum.

Postcommunio. Hæc nos commúnio, Dómine, purget a crímine: et, intercedénte beáto Blasio Mártyre tuo atque Pontífice, cœléstis remédii fáciat esse consórtes. Per Dóminum.

LDVM