Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea...

Salve, salus hominum, cecis lucem, mundo ducem, Celo paris Dominum. Tu thalamus Splendoris etherei, tu balsamus saporis nectarei, tu dulcoris, tu pudoris flosculus virginei.

The Mass of Our Lady on Saturday, Salve sancta Parens, with the commemoration of the Abbot Saint Hilarion, is celebrated today at Barroux, according to the ordo; this is presumably what will happen at Saint-Eugène as well since it is what is appointed in the Missal of Ioannes XXIII. 

Alas, Saint-E. is not live-streaming Holy Mass this morning; I don't believe that there is a 'standing policy', so to say, not to stream on Saturdays. Hmm. 

Lectio 1
De libro primo Machabæórum
1 Mac 16:14-17.
14 Simon autem, perámbulans civitátes quæ erant in regióne Judǽæ, et sollicitúdinem gerens eárum, descéndit in Jéricho ipse, et Mathathías fílius ejus, et Judas, anno centésimo septuagésimo séptimo, mense undécimo: hic est mensis Sabath.
15 Et suscépit eos fílius Abóbi in munitiúnculam, quæ vocátur Doch, cum dolo, quam ædificávit; et fecit eis convívium magnum, et abscóndit illic viros
16 Et, cum inebriátus esset Simon et fílii ejus, surréxit Ptolemǽus cum suis, et sumpsérunt arma sua, et intravérunt in convívium: et occidérunt eum, et duos fílios ejus, et quosdam púeros ejus:
17 Et fecit deceptiónem magnam in Israël, et réddidit mala pro bonis.

R. Refúlsit sol in clípeos áureos, et resplenduérunt montes ab eis:
* Et fortitúdo géntium dissipáta est.
V. Erat enim exércitus magnus valde et fortis: et appropiávit Judas et exércitus ejus in prǽlio.
R. Et fortitúdo géntium dissipáta est.

Lectio 2
1 Mac 16:18-21.
18 Et scripsit hæc Ptolemǽus, et misit regi, ut mítteret ei exércitum in auxílium, et tráderet ei regiónem, et civitátes eórum, et tribúta.
19 Et misit álios in Gázaram tóllere Joánnem: et tribúnis misit epístolas, ut venírent ad se, et daret eis argéntum, et aurum, et dona.
20 Et álios misit occupáre Jerúsalem et montem templi.
21 Et præcúrrens quidam, nuntiávit Joánni in Gázara, quia périit pater ejus et fratres ejus, et quia: Misit te quoque intérfici.

R. Ornavérunt fáciem templi corónis áureis, et dedicavérunt altáre Dómino:
* Et facta est lætítia magna in pópulo.
V. In hymnis et confessiónibus benedicébant Dóminum.
R. Et facta est lætítia magna in pópulo.
V. Glória Patri, et Fílio, * et Spirítui Sancto.
R. Et facta est lætítia magna in pópulo.

Lectio 3
Sermo sancti Bernárdi Abbátis
Serm. in cap. 12 Apoc., ante med.
Amplectámur Maríæ vestígia, fratres mei, et devotíssima supplicatióne beátis illíus pédibus provolvámur. Teneámus eam nec dimittámus, donec benedíxerit nobis; potens est enim. Nempe vellus est médium inter rorem et áream: múlier inter solem et lunam: María inter Christum et Ecclésiam constitúta. Sed forte miráris, non tam vellus opértum rore, quam amíctam sole mulíerem. Magna síquidem familiáritas, sed mira omníno vicínitas solis et mulíeris. Quómodo enim in tam veheménti fervóre tam frágilis natúra subsístit? Mérito quidem admiráris, Móyses sancte, et curiósius desíderas intuéri. Verúmtamen solve calceaménta de pédibus tuis, et involúcra pone carnálium cogitatiónum, si accédere concupíscis.

Te Deum.

Introitus. Sedulius. Salve, sancta Parens, eníxa puérpera Regem: qui cœlum terrámque regit in sǽcula sæculórum. Ps. 44, 2. Eructávit cor meum verbum bonum: dico ego ópera mea Regi. ℣. Glória Patri.

Oratio. Concéde nos fámulos tuos, quæsumus, Dómine  Deus, perpetua mentis et corporis sanitáte gaudére: et, gloriosa beátæ Maríæ semper Vírginis intercessióne, a præsénti liberári tristitia, et aeterna perfrui lætítia. Per Dóminum.

Oratio. Intercéssio nos, quǽsumus, Dómine, beáti Hilarionis Abbátis comméndet: ut, quod nostris méritis non valémus, ejus patrocínio assequámur. Per Dóminum.

Léctio libri Sapiéntiæ.
Eccli. 24, 14-16.
Ab inítio et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.

Graduale. Benedícta et venerábilis es, Virgo María: quæ sine tactu pudóris invénia es Mater Salvatóris. ℣. Virgo, Dei Génetrix, quem totus non capit orbis, in tua se clausit víscera factus homo.

Allelúja, allelúja. ℣. Post partum, Virgo, invioláta permansísti: Dei Génetrix, intercéde pro nobis. Allelúja.

✠ Sequéntia sancti Evangélii secúndum Lucam
Luc. 11, 27-28.
In illo témpore: Loquénte Jesu ad turbas, extóllens vocem quædam múlier de turba, dixit illi: Beátus venter, qui te portávit, et úbera, quæ suxísti. At ille dixit: Quinímmo beáti, qui áudiunt verbum Dei, et custódiunt illud.

Offertorium. Luc. 1, 28 et 42. Ave, María, grátia plena; Dominus  tecum: benedícta tu in muliéribus, et benedíctus fructus ventris tui.

Secreta. Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.

Secreta. Sacris altáribus, Dómine, hóstias superpósitas sanctus Hilarion Abbas, quǽsumus, in salútem nobis proveníre depóscat. Per Dóminum.

Communio. Beáta viscera Maríæ Vírginis, quæ portavérunt ætérni Patris Fílium, allelúja.

Postcommunio. Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti. Per Dóminum.

Postcommunio. Prótegat nos, Dómine, cum tui perceptióne sacraménti beátus Hilarion Abbas, pro nobis intercedéndo: ut et conversatiónis ejus experiámur insígnia, et intercessiónis percipiámus suffrágia. Per Dóminum.

The two part conductus Gaude Virgo virginum, sung on the Conductus 2 album by the tenors John Potter and Christopher O'Gorman; almost six minutes in duration. The singers in the video recording are the ensemble In Mulieribus, from their 2007 album, Notre Dame de Grace. 

Anent the final line, Benedicamus Domino, eh, the relationship between this conductus and the liturgical phrase is complicated: quite frankly, reading about all of it in Dr Everist's Discovering Mediaeval Song has been making my poor head spin.

Gaude, virgo virginum,
Ex qua lumen luminum
Ortum terris splenduit
Et diluit
Nubis mortalis nebulas
Et desiccavit maculas
Radicesque criminum.
Salve, salus hominum,
Cecis lucem,
Mundo ducem,
Celo paris Dominum.

Tu thalamus
Splendoris
Etherei,
Tu balsamus
Saporis
Nectarei,
Tu dulcoris,
Tu pudoris
Flosculus virginei.

In Egypto constituti,
Te ducente sumus tuti,
Ut saluti
Restituti,
Morbo sani pristino,
Benedicamus Domino.

LDVM