Jacob autem génuit Joseph, virum Maríæ, de qua natus est Jesus, qui vocátur Christus...

Today is Wednesday in the 14th week post Pentecosten, and so in the Roman Church the Mass Protector noster aspice Deus of Sunday would be said, or a votive Mass. I don't know if the Barroux ordo means that it will be Sunday's Mass there tomorrow or the votive Mass of Saint Joseph. 

Sunday's Mass is here and I'll put the votive Mass of Saint Joseph (well, the Mass from the Missale Romanum) here. 

It seems that Protector noster aspice Deus was sung. 

Lectio 1
De libro Job
Job 3:1-5.
1 Post hæc apéruit Job os suum et maledíxit diéi suo,
2 Et locútus est:
3 Péreat dies in qua natus sum, et nox in qua dictum est: Concéptus est homo.
4 Dies ille vertátur in ténebras: non requírat eum Deus désuper, et non illustrétur lúmine;
5 Obscúrent eum ténebræ et umbra mortis; óccupet eum calígo, et involvátur amaritúdine.

R. Quis mihi tríbuat, ut in inférno prótegas me et abscóndas me, donec pertránseat furor tuus, Dómine, nisi tu, qui solus es Deus?
* Et constítuas mihi tempus, in quo recordéris mei?
V. Numquid sicut dies hóminis dies tui, ut quæras iniquitátem meam; cum sit nemo, qui de manu tua possit erúere.
R. Et constítuas mihi tempus, in quo recordéris mei?

Lectio 2
Job 3:6-10.
6 Noctem illam tenebrósus turbo possídeat; non computétur in diébus anni, nec numerétur in ménsibus.
7 Sit nox illa solitária, nec laude digna;
8 Maledícant ei qui maledícunt diéi, qui paráti sunt suscitáre levíathan.
9 Obtenebréntur stellæ calígine ejus, exspéctet lucem et non vídeat, nec ortum surgéntis auróræ;
10 Quia non conclúsit óstia ventris, qui portávit me, nec ábstulit mala ab óculis meis.

R. Utinam appenderéntur peccáta mea, quibus iram mérui,
* Et calámitas, quam pátior, in statéra.
V. Quasi aréna maris hæc grávior apparéret, unde et verba mea dolóre sunt plena.
R. Et calámitas, quam pátior, in statéra.

Lectio 3
Job 3:11-16.
11 Quare non in vulva mórtuus sum? egréssus ex útero non statim périi?
12 Quare excéptus génibus? cur lactátus ubéribus?
13 Nunc enim dórmiens silérem et somno meo requiéscerem
14 Cum régibus et consúlibus terræ, qui ædíficant sibi solitúdines,
15 Aut cum princípibus, qui póssident aurum et replent domos suas argénto;
16 Aut sicut abortívum abscónditum non subsísterem, vel qui concépti non vidérunt lucem.

 

R. Quare detraxístis sermónibus veritátis? ad increpándum verba compónitis et subvértere nitímini amícum vestrum:
* Verúmtamen quæ cogitástis, expléte.
V. Quod justum est, judicáte; et non inveniétis in lingua mea iniquitátem.
R. Verúmtamen quæ cogitástis, expléte.
V. Glória Patri, et Fílio, * et Spirítui Sancto.
R. Verúmtamen quæ cogitástis, expléte.

 

The Te Deum is not sung on ferial days post Pentecosten.

Introitus. Ps. 32, 20-21. Adjútor et protéctor noster est Dóminus: in eo lætábitur cor nostrum, et in nómine sancto ejus sperávimus. Ps. 79, 2. Qui regis Israël, inténde: qui dedúcis, velut ovem, Joseph. ℣. Glória Patri.

Oratio. Deus, qui ineffábili providéntia beátum Joseph sanctíssimæ Genetrícis tuæ sponsum elígere dignátus es: præsta, quǽsumus; ut, quem protectórem venerámur in terris, intercessórem habére mereámur in cœlis: Qui vivis et regnas.

Léctio libri Génesis.
Gen. 49, 22-26.
Fílius accréscens Joseph, fílius accréscens, et decórus aspéctu: fíliæ discurrérunt super murum. Sed exasperavérunt eum, et jurgáti sunt, inviderúntque illi habéntes jácula. Sedit in forti arcus ejus, et dissolúta sunt víncula brachiórum et mánuum illíus per manus poténtis Jacob: inde pastor egréssus est, lapis Israël. Deus patris tui erit adjútor tuus, et Omnípotens benedícet tibi benedictiónibus cœli 
désuper, benedictiónibus abýssi jacéntiis deórsum, benedictiónibus úberum et vulvæ. Benedictiónes patris tui confortátæ sunt 

benedictiónibus patrum ejus, donec veníret Desidérium cóllium æternórum: fiant in capite Joseph, et in vértice Nazarǽi inter fratres suos.

Graduale. Ps. 20, 4-5. Dómine, prævenísti eum in benedictiónibus dulcédinis: posuísti in cápite ejus corónam de lápide pretióso. ℣. Vitam pétiit a te, et tribuísti ei longitúdinem diérum in sǽculum sǽculi.

Allelúja, allelúja. ℣. Fac nos innócuam, Joseph, decúrrere vitam: sitque tuo semper tuta patrocínio. Allelúja.

✠ Sequéntia sancti Evangélii secúndum Lucam. 
Luc. 3, 21-23.
In illo témpore: Factum est autem, cum baptizarétur omnis pópulus, et Jesu baptizáto et oránte, apértum est cœlum: et descéndit Spíritus Sanctus corporáli specie sicut colúmba in ipsum: et vox de cœlo facta est: Tu es Fílius meus diléctus, in te complácui mihi. Et ipse Jesus erat incípiens quasi annórum trigínta, ut putabátur, fílius Joseph.

Offertorium. Ps. 147, 12 et 13. Lauda, Jerúsalem, Dóminum: quóniam confortávit seras portárum tuárum, benedíxit fíliis tuis in  

te. 

Secreta. Sanctíssimæ Genetrícis tuæ sponsi patrocínio suffúlti, 
rogámus, Dómine, cleméntiam tuam: ut corda nostra fácias terréna cuncta despícere, ac te verum Deum perfécta caritáte dilígere: Qui vivis et regnas.

Communio. Matth, 1, 16. Jacob autem génuit Joseph, virum Maríæ, de qua natus est Jesus, qui vocátur Christus.

Postcommunio. Divíni múneris fonte refécti, quæsumus, Dómine, Deus noster: ut, sicut nos facis beáti Joseph protectióne gaudére; ita, ejus meritis et intercessióne, cæléstis glóriæ fácias esse participes. Per Dóminum.

LDVM