Felix es, sacra Virgo María, et omni laude digníssima: quia ex te ortus est sol justítiæ, Christus, Deus noster, allelúja...

Today is the feast of Our Blessed Lady's Nativity, together with the commemoration of the Martyr Saint Hadrian. The video recording from Barroux of the solemn pontifical Mass began immediately with that sacred Office not Terce, hmm... ah, I must remind myself to read the notes they attach to their pages: there is a solemn profession happened, which explains the two hours' length of the recording, too.

The day's solemn Mass is celebrated at Saint-Eugène at 1000 here but it's streamed not at YouTube but at TikTok, hmm. The last attempt via Tok didn't work very well, here I mean, since there was frequent, very frequent, buffering, if that is the proper term: stuttering, as I phrase it to myself. But I reckon I will put Tok back on the iPad at 0930 and we shall see. The livret is here. 

Lectio 1
Incípiunt Cántica canticórum
Cant 1:1-4.
1 (Sponsa) Osculétur me ósculo oris sui, quia melióra sunt úbera tua vino,
2 Fragrántia unguéntis óptimis. Oleum effúsum nomen tuum; ídeo adolescéntulæ dilexérunt te.
3 (Chorus Adolescentularum) Trahe me: post te currémus in odórem unguentórum tuórum. Introdúxit me rex in cellária sua; exsultábimus et lætábimur in te mémores úberum tuórum super vinum. Recti díligunt te.
4 (Sponsa) Nigra sum, sed formósa, fíliæ Jerúsalem, sicut tabernácula Cedar, sicut pelles Salomónis.

R. Hódie nata est beáta Virgo María ex progénie David;
* Per quam salus mundi credéntibus appáruit, cujus vita gloriósa lucem dedit sǽculo.
V. Nativitátem beátæ Maríæ Vírginis cum gáudio celebrémus.
R. Per quam salus mundi credéntibus appáruit, cujus vita gloriósa lucem dedit sǽculo.

Lectio 2

Cant 1:5-9.

5 Nolíte me consideráre quod fusca sim, quia decolorávit me sol. Fílii matris meæ pugnavérunt contra me, posuérunt me custódem in víneis, víneam meam non custodívi.

6 Indica mihi, quem díligit ánima mea, ubi pascas, ubi cubes in merídie, ne vagári incípiam post greges sodálium tuórum.

7 (Sponsus) Si ignóras te, o pulchérrima inter mulíeres, egrédere et abi post vestígia gregum, et pasce hædos tuos juxta tabernácula pastórum.

8 Equitátui meo in cúrribus pharaónis assimilávi te, amíca mea.

9 Pulchræ sunt genæ tuæ sicut túrturis, collum tuum sicut monília.

R. Beatíssimæ Vírginis Maríæ Nativitátem devotíssime celebrémus,
* Ut ipsa pro nobis intercédat ad Dóminum Jesum Christum.
V. Cum jucunditáte Nativitátem beátæ Maríæ Vírginis devotíssime celebrémus.
R. Ut ipsa pro nobis intercédat ad Dóminum Jesum Christum.

Lectio 3

Cant 1:10-16.

10 Murénulas áureas faciémus tibi vermiculátas argénto.

11 (Sponsa) Dum esset rex in accúbitu suo, nardus mea dedit odórem suum.

12 Fascículus myrrhæ diléctus meus mihi, inter úbera mea commorábitur.

13 Botrus Cypri diléctus meus mihi in víneis Engáddi.

14 (Sponsus) Ecce tu pulchra es, amíca mea, ecce tu pulchra es; óculi tui columbárum.

15 (Sponsa) Ecce tu pulcher es, dilécte mi, et decórus. Léctulus noster flóridus,

16 Tigna domórum nostrárum cédrina, laqueária nostra cypréssina.

R. Gloriósæ Vírginis Maríæ ortum digníssimum recolámus,
* Cujus Dóminus humilitátem respéxit, quæ, Angelo nuntiánte, concépit Salvatórem mundi.
V. Beatíssimæ Vírginis Maríæ Nativitátem devotíssime celebrémus.
R. Cujus Dóminus humilitátem respéxit, quæ, Angelo nuntiánte, concépit Salvatórem mundi.
V. Glória Patri, et Fílio, * et Spirítui Sancto.
R. Cujus Dóminus humilitátem respéxit, quæ, Angelo nuntiánte, concépit Salvatórem mundi.

Lectio 4

Sermo sancti Augustíni Epíscopi

Sermo 18 de Sanctis, qui est 2 de Annunt. Dominica.

Adest nobis, dilectíssimi, optátus dies beátæ ac venerábilis semper Vírginis Maríæ; ídeo cum summa exsultatióne gáudeat terra nostra, tantæ Vírginis illustráta natáli. Hæc est enim flos campi, de qua ortum est pretiósum lílium convállium, per cujus partum mutátur natúra protoplastórum, delétur et culpa. Præcísum est in ea illud Hevæ infelicitátis elógium, quo dícitur: In dolóre páries fílios tuos; quia ista in lætítia Dóminum péperit.

R. Natívitas gloriósæ Vírginis Maríæ ex semine Abrahæ, ortæ de tribu Juda, clara ex stirpe David;
* Cujus vita ínclita cunctas illústrat ecclésias.
V. Hódie nata est beáta Virgo María ex progénie David.
R. Cujus vita ínclita cunctas illústrat ecclésias.

Lectio 5

Heva enim luxit, ista exsultávit: Heva lácrimas, María gáudium in ventre portávit; quia illa peccatórem, ista édidit innocéntem. Mater géneris nostri pœnam íntulit mundo, Génitrix Dómini nostri salútem íntulit mundo. Auctrix peccáti Heva, auctrix mériti María. Heva occidéndo óbfuit, María vivificándo prófuit. Illa percússit, ista sanávit. Pro inobediéntia enim obediéntia commutátur, fides pro perfídia compensátur.

R. Cum jucunditáte Nativitátem beátæ Maríæ celebrémus,
* Ut ipsa pro nobis intercédat ad Dóminum Jesum Christum.
V. Corde et ánimo Christo canámus glóriam in hac sacra solemnitáte præcélsæ Genetrícis Dei Maríæ.
R. Ut ipsa pro nobis intercédat ad Dóminum Jesum Christum.

Lectio 6

Plaudat nunc órganis María, et inter velóces artículos týmpana puérperæ cóncrepent. Cóncinant lætántes chori, et alternántibus módulis dulcísona cármina misceántur. Audíte ígitur, quemádmodum tympanístria nostra cantáverit; ait enim: Magníficat ánima mea Dóminum: et exsultávit spíritus meus in Deo, salutári meo. Quia respéxit humilitátem ancíllæ suæ: ecce enim ex hoc beátam me dicent omnes generatiónes. Quia fecit mihi magna qui potens est. Causam ígitur invalescéntis erráti, miráculum novi partus evícit; et Hevæ planctum Maríæ cantus exclúsit.

R. Natívitas tua, Dei Génitrix Virgo, gáudium annuntiávit univérso mundo;
* Ex te enim ortus est sol justítiæ, Christus Deus noster: * Qui, solvens maledictiónem, dedit benedictiónem; et confúndens mortem, donávit nobis vitam sempitérnam.
V. Benedícta tu in muliéribus, et benedíctus fructus ventris tui.
R. Ex te enim ortus est sol justítiæ, Christus Deus noster.
V. Glória Patri, et Fílio, * et Spirítui Sancto.
R. Qui, solvens maledictiónem, dedit benedictiónem; et confúndens mortem, donávit nobis vitam sempitérnam.

Lectio 7

Léctio sancti Evangélii secúndum Matthǽum

Matt 1:1-16.

Liber generatiónis Jesu Christi, fílii David, fílii Abraham. Abraham génuit Isaac, Isaac autem génuit Jacob. Et réliqua.

Homilía sancti Hierónymi Presbýteri

Liber 1 Comment. in Matth., in initium.

In Isaía légimus: Generatiónem ejus quis enárrabit? Non ergo putémus Evangelístam Prophétæ esse contrárium, ut quod ille impossíbile dixit effátu, hic narráre incípiat: quia ibi de generatióne Divinitátis, hic de incarnatióne est dictum. A carnálibus autem cœpit, ut per hóminem, Deum díscere incipiámus. Fílii David, fílii Abraham. Ordo præpósterus, sed necessário commutátus. Si enim primum posuísset Abraham et póstea David, rursus ei repeténdus fúerat Abraham, ut generatiónis séries texerétur.

R. Beátam me dicent omnes generatiónes,

* Quia fecit mihi Dóminus magna qui potens est, et sanctum nomen ejus.

V. Et misericórdia ejus a progénie in progénies timéntibus eum.

R. Quia fecit mihi Dóminus magna qui potens est, et sanctum nomen ejus.

Lectio 8

Ideo autem, céteris prætermíssis, horum fílium nuncupávit, quia ad hos tantum facta est de Christo repromíssio. Ad Abraham: In sémine, inquit, tuo benedicéntur omnes gentes, quod est Christus. Ad David: De fructu ventris tui ponam super sedem tuam. Judas autem génuit Phares et Zaram de Thamar. Notándum, in genealogía Salvatóris nullam sanctárum assúmi mulíerum, sed eas quas Scriptúra reprehéndit; ut, qui propter peccatóres vénerat, de peccatóribus nascens, ómnium peccáta deléret. Unde et in consequéntibus Ruth Moabítis pónitur, et Bethsabée uxor Uríæ.

R. Felix namque es, sacra Virgo María, et omni laude digníssima:

* Quia ex te ortus est sol justítiæ, Christus, Deus noster.

V. Ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque célebrant tuam sanctam Nativitátem.

R. Quia ex te ortus est sol justítiæ.

V. Glória Patri, et Fílio, * et Spirítui Sancto.

R. Christus, Deus noster.

Lectio 9

Commemoratio S. Hadriani, Martyris.

Hadrianus, jussu Maximiáni imperatóris apud Nicomedíam pérsequens Christiános, cum sæpius eórum in fidei confessióne et tormentórum perpessióne constantiam demirátus esset, veheménter ea re commótus ad Christum sese convértit. Quam ob rem cum aliis viginti tribus Christiánis conjéctus est in carcerem; ubi eum visitans Natália uxor, quæ et ipsa antea in Christum credíderat, ad martyrium incendit. Itaque, e custódia edúctus, tamdiu flagellis cæsus est, donec intestína diffluerent. Postremo, fractis crúribus, mánibus pedibúsque præcisis, una cum multis aliis martyrii certamen feliciter absolvit.

Te Deum.

So far, so good, the Tok live-streaming; the lesson from Wisdom is being sung now and to this point there have been only two momentary stutterings. M le Curé is the celebrant of Holy Mass.

Introitus. Sedulius. Salve, sancta Parens, eníxa puérpera Regem: qui cœlum terrámque regit in sǽcula sæculórum. Ps. 44, 2. Eructávit cor meum verbum bonum: dico ego ópera mea Regi. V. Glória Patri.

Kyrie, Gloria.

Oratio. Fámulis tuis, quǽsumus, Dómine, cœléstis grátiæ munus impertíre: ut, quibus beátæ Vírginis partus éxstitit salútis exórdium; Nativitátis ejus votíva sollémnitas pacis tríbuat increméntum. Per Dóminum.

There was an oration Omnipotens aeterne Deus, also, but am not sure of the text; to do with the solemn profession, am presuming.

Léctio libri Sapiéntiæ.
Prov. 8, 22-35.
Dóminus possédit me in inítio viárum suárum, ántequam quidquam fáceret a princípio. Ab ætérno ordináta sum, et ex antíquis, ántequam terra fíeret. Nondum erant abýssi, et ego jam concépta eram: necdum fontes aquárum erúperant: necdum montes gravi mole constíterant: ante colles ego parturiébar: adhuc terram nonfécerat et flúmina et cárdines orbis terræ. Quando præparábat cœlos, áderam: quando certa lege et gyro vallábat abýssos: quando ǽthera firmábat sursum et librábat fontes aquárum: quando circúmdabat mari términum suum et legem ponébat aquis, ne transírent fines suos: quando appendébat fundaménta terræ. Cum eo eram cuncta compónens: et delectábar per síngulos dies, ludens coram eo omni témpore: ludens in orbe terrárum: et delíciæ meæ esse cum fíliis hóminum. Nunc ergo, fílii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. Beátus homo, qui audit me et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam et háuriet salútem a Dómino.

Graduale. Benedícta et venerábilis e s, Virgo Maria: quæ sine tactu pudóris invénta es Mater Salvatóris. V. Virgo, Dei Génetrix, quem totus non capit orbis, in tua se clausit víscera factus homo.

Allelúja, allelúja. V. Felix es, sacra Virgo María, et omni laude digníssima: quia ex te ortus est sol justítiæ, Christus, Deus noster. Allelúja.

The Schola sang the sequence Gaudii primordium et salutis nuntium, which is from the Proper of Paris, I'm presuming.

Gaudii primórdium
Et salútis núntium
Diem nostræ cánimus.

Quæ dat hora Vírginem,
Spondet Deum hóminem:
En venit quem quærimus.

Quam in matrem éligit,
Hujus ortum dírigit
Deus omnis grátiæ.

Domum quam inhábitet,
Mox e qua nos vísitet,
Ornat sol justítiæ.

Quot micat lumínibus,
Suis Deus úsibus
Quod vas fingit glóriæ.

Quot latent mirácula!
Fiet hæc nubécula
In vim magnam plúviæ.

Benedicta fília,
Tota plena grátia,
Tota sine mácula:

Cæli quod jam hábitas,
Pande nobis sémitas
Prece, Virgo, sédula.

Iram promerúimus;
Christe, pacem pétimus:
Hanc da, matris précibus.

Vt in nobis máneas,
Corda nostra præbeas
Pura culpis ómnibus. 

Amen. Alleluia.

Four or five stutterings. I wonder if this happens when I get a notification (e.g. from Twitter) on the iPad; hmm.

Initium sancti Evangélii secúndum Matthǽum.
Matth. 1-16.
Liber generatiónis Jesu Christi, fílii David, fílii Abraham. Abraham génuit Isaac. Isaac autem génuit Jacob. Jacob autem génuit Judam et fratres ejus. Judas autem génuit Phares et Zaram de Thamar. Phares autem génuit Esron. Esron autem génuit Aram. Aram autem génuit Amínadab. Amínadab autem génuit Naásson. Naásson autem génuit Salmon. Salmon autem génuit Booz de Rahab. Booz autem génuit Obed ex Ruth. Obed autem génuit Jesse. Jesse autem génuit David regem. David autem rex génuit Salomónem ex ea, quæ fuit Uriæ. Sálomon autem génuit Róboam. Róboam autem génuit Abíam. Abías autem génuit Asa. Asa autem génuit Josaphat. Jósaphat autem génuit Joram. Joram autem génuit Ozíam. Ozías autem génuit Jóatham. Jóatham autem génuit Achaz. Achaz autem génuit Ezechíam. Ezechías autem génuit Manássen. Manásses autem génuit Amon. Amon autem génuit Josíam. Josías autem génuit Jechoníam et fratres ejus in transmigratióne Babylónis. Et post transmigratiónem Babylónis: Jechonías génuit Saláthiel. Saláthiel autem génuit Zoróbabel. Zoróbabel autem génuit Abiud. Abiud autem génuit Elíacim. Elíacim autem génuit Azor. Azor autem génuit Sadoc. Sadoc autem génuit Achim. Achim autem génuit Eliud. Eliud autem génuit Eleázar. Eleázar autem génuit Mathan. Mathan autem génuit Jacob. Jacob autem génuit Joseph, virum Maríæ, de qua natus est Jesus, qui vocátur Christus.

The Abbot is preaching for the solemn profession of Frater Juan Diego. I couldn't figure out why I only see his white-gloved right hand gesturing; because the left is holding the crosier of course. M Durodié preached much more briefly, ahem. 

Credo.

This version of the Suscipe me Domine is what I can find at Gregobase. At Barroux the monk making solemn profession sings the antiphon three times, each time in a higher tone.

And whilst the pax was exchanged between each of the brethren and the new professus, the antiphon Suscepimus Deus misericordiam tuam in medio templi tui was sung with the several verses necessary for the completion of the ceremony; but I couldn't find what I thought was the correct chant score. The newly professed brother remained prostrate before the altar until the Communion.

The Schola sang the 13th century prose Nativitas Mariae virginis at the Offertory. 

Natívitas Maríæ vírginis

Quæ nos lavit a labe críminis,

Celebrátur hódie:

Dies est lætítiæ.

De radíce Jesse propáginis

Hanc edúxit sol veri lúminis,

Manu sapiéntiæ,

Suæ templum grátiæ.

Stella nova nóviter óritur,

Cujus ortu mors nostra tóllitur:

Hevæ lapsus jam restitúitur

In María.

Ut auróra fulgens progréditur,

Velut luna pulchra descríbitur:

Super cuncta ut sol elígitur

Virgo pia.

Virgo clemens et virgo única,

Virga fumi sed aromática,

In te cæli mundíque fábrica

Gloriátur.

Te signárunt ora prophética

Tibi canit Sálomon Cántica

Canticórum, te vox angélica

Protestátur.

Verbum Patris procéssu témporis

Intrat tui secrétum córporis:

Intus totum, et totum déforis

Simul fuit.

Fructus virens aréntis árboris,

Christus gigas imménsi róboris

Nos a nexu funésti pígnoris

Erípuit.

O María, dulce commércium!

Intra tuum celásti grémium,

Quo salútis reis remédium

Indulgétur.

O vera spes et verum gáudium,

Fac post vitæ præséntis stádium,

Ut optátum in cælis brávium

Nobis detur. 

Amen.

Offertorium. Beáta es, Virgo María, quæ ómnium portásti Creatórem: genuísti qui te fecit, et in ætérnum pérmanes Virgo.

Secreta. Unigéniti tui, Dómine, nobis succúrrat humánitas: ut, qui natus de Vírgine, matris integritátem non mínuit, sed sacrávit; in Nativitátis ejus sollémniis, nostris nos piáculis éxuens, oblatiónem nostram tibi fáciat accéptam Jesus Christus, Dóminus noster: Qui tecum.

Sanctus, Agnus Dei.

The Schola sang this antiphon at the Communion. It is from today's feast's Vespers; the text is the Latin version of the troparion (I don't italicise this, as if I know what's what with troparia) of this feast in the Byzantine Rite. 

Later in the day, Dr DiPippo posted this essay at New Liturgical Movement, noting this antiphon and providing much other information about the feast. 

Natívitas tua, * Dei Génitrix Virgo, gaudium annuntiávit univérso mundo: ex te enim ortus est Sol justítiæ, Christus Deus noster: qui solvens maledictiónem, dedit benedictiónem : et confúndens mortem, donávit nobis vitam sempitérnam.

Communio. Beáta víscera Maríæ Vírginis, quæ portavérunt ætérni Patris Fílium.

Postcommunio. Súmpsimus, Dómine, celebritátis ánnuæ votíva sacraménta: præsta, quǽsumus; ut et temporális vitæ nobis remédia prǽbeant et ætérnæ. Per Dóminum.

LDVM