Tsk. I prepared the page for today's Martyrology but then somehow managed-- apparently-- to delete it. Was so irritated when I realised this yesterday that I wouldn't do it all over. Tsk. Next year, I reckon. But the least I can do is add it as it is given at Prime.
Quarto Nonas Júnii Luna tértia décima Anno Dómini 2023
Romæ natális sanctórum Mártyrum Marcellíni Presbýteri, et Petri Exorcístæ, qui, sub Diocletiáno, cum multos in cárcere ad fidem erudírent, ídeo, post dira víncula et plúrima torménta, a Seréno Júdice decolláti sunt in loco qui dicebátur Silva Nigra; quæ deínde, in honórem Sanctórum, commutáto nómine, Silva Cándida appelláta est. Horum córpora in crypta, juxta sanctum Tibúrtium, sepúlta sunt; eorúmque sepúlcrum sanctus Dámasus Papa vérsibus póstea exornávit.
In Campánia sancti Erásmi, Epíscopi et Mártyris. Hic, sub Diocletiáno Augústo, primum plumbátis cæsus, deínde fústibus gráviter mactátus, post resína, súlphure, plumbo, pice, cera oleóque perfúsus, illǽsus appáruit; deínde Fórmiis, sub Maximiáno, divérsis atque immaníssimis supplíciis íterum tortus, sed ad confirmándum céteros a Deo servátus; tandem, vocánte Dómino, martýrio clarus, sancto fine quiévit. Ipsíus autem corpus Cajétam póstea translátum est.
Lugdúni, in Gállia, sanctórum Mártyrum Pothíni Epíscopi, Sancti Diáconi, Vétii, Epagáthi, Maturi, Póntici, Bíblidis, Attali, Alexándri et Blandínæ, cum áliis multis; quorum fórtia et iteráta certámina, témpore Marci Aurélii Antoníni et Lúcii Veri, Ecclésiæ Lugdunénsis epístola, ad Ecclésias Asiæ et Phrýgiæ scripta, recénset. In his sancta Blandína, sexu infírmior, córpore imbecíllior, conditióne dejéctior, diuturnióra et acerbióra certámina súbiens, et fortis adhuc pérmanens, gládio juguláta, céteros secúta est, quos hortabátur ad palmam.
In ínsula Proconnéso, in Propóntide, sancti Nicéphori, Epíscopi Constantinopolitáni, qui, paternárum traditiónum propugnátor acérrimus, pro cultu sanctárum Imáginum se Leóni Arméno, Imperatóri Iconoclástæ, constánter oppósuit; a quo mulctátus exsílio, ibídem, cum per quatuórdecim annos longum duxísset martýrium, migrávit ad Dóminum.
Romæ sancti Eugénii Primi, Papæ et Confessóris.
Trani, in Apúlia, sancti Nicolái Peregríni Confessóris, cujus mirácula in Concílio Románo, cui beátus Urbánus Papa Secúndus prǽfuit, recitáta sunt.
V. Et álibi aliórum plurimórum sanctórum Mártyrum et Confessórum, atque sanctárum Vírginum.
R. Deo grátias.
In the Old English Martyrology are eulogised Saint Erasmus, Saints Marcellinus and Peter (these three as in the Roman Martyrology), and Saints Artemius, Candida, and Virgo.
LDVM
Comments
Post a Comment