Nonne quinque pásseres véneunt dipóndio, et unus ex illis non est in oblivióne coram Deo? Sed et capílli cápitis vestri omnes numeráti sunt. Nolíte ergo timére: multis passéribus pluris estis vos...

Today is Monday of the 4th week post Pentecosten, the third day infra Octavam Nativitatis Sancti Ioannis Baptistae, and the feast of  Saints John and Paul, 4th century martyrs named daily in the Roman Canon. Their Mass in the Missale Romanum is Multae tribulationes iustorum. 

The video recording from Barroux is just 62 minutes in length this morning so am a touch apprehensive that their technical folks have screwed up somehow, e.g. losing the Communion; on the other hand, there is always some at least several minute period of dead time in their recordings so perhaps it has been figured out how to avoid that. And it is the Mass Multae tribulationes iustorum.

It is the case that the 'dead time' was eliminated, not the Communion or Ite missa est etc.

Lectio 4
Joánnes et Paulus fratres Romani, cum facultátibus a Constántia Constantini fília, cui pie fideliterque servíerant, sibi relictis, Christi páuperes álerent; a Juliáno Apóstata in númerum familiárium suórum invitati, líbere negavérunt se apud eum esse velle, qui a Jesu Christo defecísset. Quibus ille ad deliberándum decem dies præfínit ut nisi ad eam diem ei adhærére et Jóvi sacrificáre constitúerint, sibi moriéndum esse certo sciant.

R. Isti sunt duo viri misericórdiæ, qui assístunt ante Dóminum,
* Dominatórem univérsæ terræ.
V. Isti sunt duæ olívæ, et duo candelábra lucéntia ante Dóminum.
R. Dominatórem univérsæ terræ.

Lectio 5
Illi intra id tempus réliqua sua bona distribuérunt paupéribus, quo expeditiores ad Dóminum migrare possent, et plures juvarent, a quibus in æterna tabernácula reciperéntur. Die décima Teréntianus prætóriæ cohortis præfectus, ad eos missus cum alláta Jovis effigie ut eam veneraréntur, imperatóris mandátum eis exponit, ut nisi Jóvi cultum adhibeant, moriántur. Qui, ut erant orántes respondérunt, se pro Christi fide, quem Deum mente et ore venerabántur, non dubitanter mortem subituros.

R. Vidi conjúnctos viros, habéntes spléndidas vestes, et Angelus Dómini locútus est ad me, dicens:
* Isti sunt viri sancti facti amíci Dei.
V. Vidi Angelum Dei fortem, volántem per médium cælum, voce magna clamántem et dicéntem.
R. Isti sunt viri sancti facti amíci Dei.

Lectio 6
At Teréntianus veritus, ne, si publice interficeréntur, pópulus commoverétur; domi, ubi tunc erant, abscissis eórum capítibus, sexto Kalendas Julii secréto eos sepeliendos curávit; rumorémque sparsit, Joánnem et Paulum in exsílium ejectos esse. Verum eórum mors a spirítibus immundis, qui multórum córpora vexábant, pervulgáta est; in quibus Terentiáni fílius, et ipse oppréssus a dæmone, ad sepúlcrum Mártyrum perductus liberátus est. Quo miraculo et is in Christum credidit, et ejus pater Teréntianus; a quo étiam horum beatórum Mártyrum vita scripta esse dícitur.

R. Tamquam aurum in fornáce probávit eléctos Dóminus, et quasi holocáusti hóstiam accépit illos: et in témpore erit respéctus illórum:
* Quóniam donum et pax est eléctis Dei.
V. Qui confídunt in illum, intélligent veritátem, et fidéles in dilectióne acquiéscent illi.
R. Quóniam donum et pax est eléctis Dei.
V. Glória Patri, et Fílio, * et Spirítui Sancto.
R. Quóniam donum et pax est eléctis Dei.

Lectio 7

Léctio sancti Evangélii secúndum Lucam

Luc 12:1-8.

In illo témpore: Dixit Jesus discípulis suis: Atténdite a fermento pharisæórum, quod est hypócrisis. Et réliqua.

Homilía sancti Bedæ Venerábilis Presbýteri

Lib. 4 in Lucam, cap. 12

De hoc fermento Apóstolus præcepit: Itaque epulemur, non in fermento veteri, neque in fermento malítiæ et nequítiæ, sed in ázymis sinceritátis et veritátis. Nam, sicut módicum ferméntum totam farinæ, cui injícitur, massam corrumpit, universamque mox conspersiónem suo sapore commaculat; sic nimirum simulátio, cujus semel ánimum imbúerit, tota virtútum sinceritáte et veritáte fraudabit. Est ergo sensus: Atténdite ne æmulémini simulatóres; quia véniet profecto tempus, in quo et vestra virtus ómnibus, et eórum revelétur hyprocrisis.

R. Propter testaméntum Dómini, et leges patérnas, Sancti Dei perstitérunt in amóre fraternitátis:

* Quia unus fuit semper spíritus in eis, et una fides.

V. Ecce quam bonum et quam jucúndum habitáre fratres in unum.

R. Quia unus fuit semper spíritus in eis, et una fides.

Lectio 8

Verum quod sequitur: Quóniam quæ in ténebris dixistis, in lúmine dicéntur; non solum in futuro, quando cuncta cordium abscóndita proferéntur ad lucem, sed et in præsénti témpore potest congruenter accipi. Quóniam quæ inter ténebras quondam pressurárum carcerumque umbras vel locúti vel passi sunt Apóstoli; nunc, clarificáta per orbem Ecclésia, lectis eórum actibus, publice prædicántur. Ne terreámini ab his qui occídunt corpus. Si persecutores Sanctórum, occisis corpóribus, non habent ámplius quid contra illos agant: ergo supervacua furunt insánia, qui mortua Mártyrum membra, feris avibusque discerpenda projíciunt, cum nequaquam omnipoténtiæ Dei, quin ea resusictando vivíficet, obsistere possint.

R. Hæc est vera fratérnitas, quæ numquam pótuit violári certámine: qui effúso sánguine secúti sunt Dóminum:

* Contemnéntes aulam régiam, pervenérunt ad regna cæléstia.

V. Ecce quam bonum et quam jucúndum habitáre fratres in unum.

R. Contemnéntes aulam régiam, pervenérunt ad regna cæléstia.

V. Glória Patri, et Fílio, * et Spirítui Sancto.

R. Contemnéntes aulam régiam, pervenérunt ad regna cæléstia.

Lectio 9

Duo autem sunt genera persecutórum: unum palam sæviéntium, álterum ficte fraudulenterque blandiéntium. Contra utrumque nos munire atque instítuere volens Salvator, et supra ab hypócrisi pharisæórum attendere, et hic a carnificum cæde præcipit non timére; quia videlicet, post mortem nec horum crudelitas nec illórum valeat simulátio durare. Nonne quinque pásseres veneunt dipondio? Si minutíssima, inquit, animália, et quæ quólibet per áëra ferúntur volatília, Deus oblivísci non potest; vos, qui ad imáginem facti estis Creatoris, non debetis terreri ab his qui occídunt corpus; quia, qui irrationabília animália gubernat, rationabília curare non désinit.

Te Deum.

Introitus. Ps. 33, 20-21. Multæ tribulationes justórum, et de his ómnibus liberávit eos Dóminus: Dóminus custodit ómnia ossa eórum: unum ex his non conterétur. Ps. ib., 2. Benedícam Dóminum in omni témpore: semper laus ejus in ore meo. V. Glória Patri.

Oratio. Quǽsumus, omnípotens Deus: ut nos gemináta laetitia
hodiérnæ festivitátis excípiat, quæ de beatórum Joánnis et Pauli glorificatióne procédit; quos eadem fides et pássio vere fecit esse germános. Per Dóminum.

Oratio. Deus, qui præséntem diem honorábilem nobis in beáti Joánnis nativitáte fecísti: da pópulis tuis spirituálium grátiam gaudiórum; et ómnium fidélium mentes dirige in viam salútis ætérnæ. Per Dóminum.

Léctio libri Sapiéntiæ.
Eccli. 44, 10-15.
Hi viri misericórdiæ sunt, quorum pietátes non defuérunt: cum semine eórum pérmanent bona, heréditas sancta nepótes eórum, et in testaméntis stetit semen eórum: et fílii eórum propter illos usque in ætérnum manent: semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapiéntiam ipsórum narrent pópuli, et laudem eórum núntiet Ecclésia.

The Gradual and Alleluia are quite splendid today, as befits the feast of the Holy Brothers. 

Graduale. Ps. 132, 1-2. Ecce, quam bonum et quam jucúndum, habitáre fratres in unum! V. Sicut unguéntum in cápite, quod descéndit in barbam, barbam Aaron.

Allelúja, allelúja. V. Hæc est vera fratérnitas, quæ vicit mundi crímina: Christum secúta est, ínclita tenens regna cœléstia. Allelúja.

+ Sequéntia sancti Evangélii secúndum Lucam.
Luc. 12, 1-8.
In illo témpore: Dixit Jesus discípulis suis: Atténdite a ferménto pharisæórum, quod est hypócrisis. Nihil autem opértum est, quod non revelétur: neque abscónditum, quod non sciátur. Quóniam, quæ in ténebris dixístis, in lúmine dicántur: et quod in aurem locúti estis in cubículis, prædicábitur in tectis. Dico autem vobis amicis meis: Ne terreámini ab his, qui occídunt corpus, et post hæc non habent ámplius quid fáciant. Osténdam autem vobis, quem timeátis: timéte eum, qui, postquam cecíderit, habet potestátem míttere in gehénnam. Ita dico vobis: hunc timéte. Nonne quinque pásseres véneunt dipóndio, et unus ex illis non est in oblivióne coram Deo? Sed et capílli cápitis vestri omnes numeráti sunt. Nolíte ergo timére: multis passéribus pluris estis vos. Dico autem vobis: Omnis, quicúmque conféssus fúerit me coram homínibus, et Fílius hóminis confitébitur illum coram Angelis Dei.

Offertorium. Ps. 5, 12-13. Gloriabúntur in te omnes, qui díligunt nomen tuum, quóniam tu, Dómine, benedíces justo: Dómine, ut scuto bonæ voluntátis tuæ coronásti nos.

Secreta. Hóstias tibi, Dómine, sanctórum Martyrum tuórum Joánnis et Pauli dicátas méritis, benígnus assúme: et ad perpétuum nobis tríbue proveníre subsídium. Per Dóminum.

Secreta. Tua, Dómine, munéribus altária cumulámus: illíus nativitátem honóre débito celebrántes, qui Salvatórem mundi et cécinit ad futúrum et adésse monstravit, Dóminum nostrum Jesum Christum, Fílium tuum: Qui tecum vivit et regnat.

Communio. Sap. 3, 4, 5 et 6. Et si coram homínibus torménta passi sunt, Deus tentavit eos: tamquam aurum in fornáce probávit eos, et quasi holocáusta accépit eos.

Postcommunio. Súmpsimus, Dómine, sanctórum Martyrum tuórum Joánnis et Pauli sollémnia celebrántes, sacraménta cœléstia: præsta, quǽsumus; ut, quod temporáliter gérimus, ætérnis gáudiis consequámur. Per Dóminum.

Postcommunio. Sumat Ecclésia tua, Deus, beáti Joánnis Baptístæ generatióne lætítiam: per quem suæ regeneratiónis cognóvit auctórem, Dóminum nostrum Jesum Christum, Fílium tuum: Qui tecum vivit et regnat.

LDVM