Tu glória Jerúsalem, tu lætítia Israël, tu honorificéntia pópuli nostri...

Today is the feast of the Apparition of Our Lady Immaculate at Lourdes, more usually these days called that of Our Lady of Lourdes. The Mass is Vidi civitatem sanctam, Jerusalem novam, which is also what was sung at Barroux (although a lesson from the Apostle was sung instead of the one from the Apocalypse). At Saint-Eugène, the Requiem is to be sung (in twenty minutes or so, at 0530) for Maître Jean-Philippe Sisung, the 9th maître de chapelle at Saint-Eugène-Sainte-Cécile, who died 19 September last; requiescat in pace. The libellum is here; the Liturgia page (with a short biographical essay), here.

Introitus. Apoc. 21, 2. Vidi civitátem sanctam, Jerúsalem novam, descendéntem de cœlo a Deo, parátam sicut sponsam ornátam viro suo. Ps. 44,2. Eructávit cor meum verbum bonum: dico ego ópera mea Regi. V. Glória Patri.

Oratio. Deus, qui per immaculátam Vírginis Conceptiónem dignum Filio tuo habitáculum præparásti: súpplices a te quǽsumus; ut, ejúsdem Vírginis Apparitiónem celebrántes, salútem mentis et córporis consequámur. Per eúndem Dóminum nostrum.

Léctio libri Apocalýpsis beáti Joánnis Apóstoli
Apoc. 11, 19; 12, 1 et 10.
Apértum est templum Dei in cœlo: et visa est arca testaménti ejus in templo ejus, et facta sunt fúlgura et voces et terræmótus et grando magna. Et signum magnum appáruit in cœlo: Múlier amícta sole, et luna sub pédibus ejus, et in cápite ejus coróna stellárum duódecim. Et audívi vocem magnam in cœlo dicéntem: Nunc facta est salus et virtus, et regnum Dei nostri et potéstas Christi ejus.

Graduale. Cant. 2, 12. Flores apparuérunt in terra nostra, tempus putatiónis advénit, vox túrturis audíta est in terra nostra. V. Ibid., 10 et l4. Surge, amíca mea, speciósa mea, et veni: colúmba mea in foramínibus petræ, in cavérna macériæ.

Tractus. Judith 15, 10. Tu glória Jerúsalem, tu lætítia Israël, tu honorificéntia pópuli nostri. V. Cant. 4, 7. Tota pulchra es, María: et mácula originális non est in te. V. Felix es, sacra Virgo María, et omni laude digníssima, quæ serpéntis caput virgíneo pede contrivísti.

+ Sequéntia sancti Evangélii secúndum Lucam. 
Luc. 1, 26-31.

In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam dixit: Ave, grátia plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce, concípies in útero et páries fílium, et vocábis nomen ejus Jesum.

Offertorium. Luc. 1, 28. Ave, grátia plena; Dóminus tecum: benedícta tu in muliéribus.

Secreta. Hóstia laudis, quam tibi, Dómine, per mérita gloriósæ et immaculátæ Vírginis offérimus, sit tibi in odórem suavitátis, et nobis optátam cónferat córporis et ánimæ sanitátem. Per Dóminum.

Communio. Ps. 64, 10. Visitásti terram et inebriásti eam, multiplicásti locupletáre eam.

Postcommunio. Quos cœlésti, Dómine, aliménto satiásti, súblevet dextera Genetrícis tuæ immaculátæ: ut ad ætérnam pátriam, ipsa adjuvánte, perveníre mereámur: Qui vivis et regnas.

LDVM