Ponam arcum meum in núbibus cæli, dixit Dóminus ad Noë: et recordábor fœ́deris mei, quod pépigi tecum...

Today is the feast of Saint Valentine Priest and Martyr (through 1954, and the commemoration thereof through 1960). At Barroux, they have moved Saint Valentine to tomorrow, today celebrating Saints Cyril and Methodius, Bishops and Confessors (who had featured in the Martyrology today but had not been celebrated in the Roman Missal; they are in the Pauline Missal and its Calendar, however, which suppressed the feast of Saint Valentine because evidently the 'scientific historians' won't acknowledge his existence). The Mass is In virtute tua Domine laetabitur justus; what was sung at Barroux, I haven't gotten to it yet because... it is or was snowing! and there is a measurable quantity on the ground. Alas, when I was out in it an hour ago what was falling was snow as much by courtesy as anything else i.e. it was nearly indistinguishable from cold rain. The one coven says it should be still falling through this hour; the temperature is hovering at 33° F. 

At Barroux, the monks sang Sacerdotes tui Domine, which in the Roman Missal is the second Mass for a Confessor Bishop. 

Lectio 1
De libro Génesis
Gen 8:1-4

Recordátus autem Deus Noë, cunctorúmque animántium, et ómnium jumentórum, quæ erant cum eo in arca, addúxit spíritum super terram, et imminútæ sunt aquæ.
Et clausi sunt fontes abýssi, et cataráctæ cæli: et prohíbitæ sunt plúviæ de cælo.
Reversǽque sunt aquæ de terra eúntes et redeúntes: et cœpérunt mínui post centum quinquagínta dies.
Requievítque arca mense séptimo, vigésimo séptimo die mensis, super montes Arméniæ.

R. Ædificávit Noë altáre Dómino, ófferens super illud holocáustum: odoratúsque est Dóminus odórem suavitátis, et benedíxit ei, dicens:
* Créscite, et multiplicámini, et repléte terram.
V. Ecce ego státuam pactum meum vobíscum, et cum sémine vestro post vos.
R. Créscite, et multiplicámini, et repléte terram.

Lectio 2
Gen 8:5-9
At vero aquæ ibant et decrescébant usque ad décimum mensem: décimo enim mense, primo die mensis, apparuérunt cacúmina móntium.
Cumque transíssent quadragínta dies, apériens Noë fenéstram arcæ, quam fécerat, dimísit corvum,
Qui egrediebátur, et non revertebátur, donec siccaréntur aquæ super terram.
Emísit quoque colúmbam post eum, ut vidéret si jam cessássent aquæ super fáciem terræ.
Quæ cum non invenísset ubi requiésceret pes ejus, revérsa est ad eum in arcam.

R. Ponam arcum meum in núbibus cæli, dixit Dóminus ad Noë:
* Et recordábor fœ́deris mei, quod pépigi tecum.
V. Cumque obdúxero núbibus cælum, apparébit arcus meus in núbibus.
R. Et recordábor fœ́deris mei, quod pépigi tecum.
V. Glória Patri, et Fílio, * et Spirítui Sancto.
R. Et recordábor fœ́deris mei, quod pépigi tecum.

Lectio 3

Sermo sancti Augustíni Epíscopi

Sermo 44 de Sanctis

Triumphális beáti Mártyris Valentini dies hódie nobis anniversária celebritáte recúrrit: cujus glorificatióni sicut congáudet Ecclésia, sic ejus propónit sequénda vestígia. Si enim compátimur, et conglorificábimur. In cujus glorióso agóne duo nobis præcípue consideránda sunt: induráta vidélicet tortóris sævítia, et Mártyris invícta patiéntia. Sævítia tortóris, ut eam detestémur: patiéntia Mártyris, ut eam imitémur. Audi Psalmístam advérsus malítiam increpántem: Noli æmulári in malignántibus quóniam tamquam fœnum velóciter aréscent. Quod autem advérsus malignántes patiéntia exhibénda sit, audi Apóstolum suadéntem: Patiéntia vobis necessária est, ut reportétis promissiónes.

 

Te Deum 

 

M le Curé is celebrating Holy Mass today-- Exsurge, quare obdormis, Domine, of Sexagesima, ha, with commemoration of Saint Valentine, as is evidently the disposition of the Ioannes XXIII liturgical regime, or one of the possibilities. As I read the rubrics, one says Exsurge today or else the Mass of the feast In virtute tua but, eh, I'm sure I don't know. One can read the texts etc of Exsurge, quare obdormis on Sunday's page. 

Introitus. Ps. 20, 2-3. In virtúte tua, Dómine, lætábitur justus: et super salutáre tuum exsultábit veheménter: desidérium ánimæ ejus tribuísti ei. Ps. ibid., 4. Quóniam prævenísti eum in benedictiónibus dulcédinis: posuísti in cápite ejus corónam de lápide pretióso. ℣. Glória Patri.

Oratio. Præsta, quǽsumus, omnípotens Deus: ut, qui beáti Valentíni Mártyris tui natalítia cólimus, a cunctis malis imminéntibus, ejus intercessióne, liberémur. Per Dóminum.

Léctio libri Sapiéntiæ. 

Sap. 10, 10-14.
Justum dedúxit Dóminus per vias rectas, et ostendit illi regnum Dei, et dedit illi sciéntiam sanctórum: honestávit illum in labóribus, et complévit labores illíus. In fraude circumveniéntium illum áffuit illi, et honéstum fecit illum. Custodívit illum ab inimícis, et a seductóribus tutávit illum, et certámen forte dedit illi, ut vínceret et sciret, quóniam ómnium poténtior est sapiéntia. Hæc vénditum jusíum non derelíquit, sed a peccatóribus liberávit eum: descendítque cum illo in fóveam, et in vínculis non derelíquit illum, donec afférret illi sceptrum regni, et poténtiam advérsus eos, qui eum eprimébant: et mendáces osténdit, qui maculavérunt illum, et dedit illi claritátem ætérnam, Dóminus, Deus noster.

Graduale. Ps. 111, 1-2. Beátus vir, qui timet Dóminum: in mandátis ejus cupit nimis. ℣. Potens in terra erit semen ejus: generátio rectórum benedicétur.

Tractus. Ps. 20, 3-4. Desidérium ánimæ ejus tribuísti ei: et voluntáte labiórum ejus non fraudásti eum. ℣. Quóniam prævenísti eum in benedictiónibus dulcédinis. ℣. Posuísti in cápite ejus corónam de lápide pretióso.

✠ Sequéntia sancti Evangélii secúndum Matthǽum.
Matth. 10, 34-42.
In illo témpore: Dixit Jesus discípulis suis: Nolíte arbitrári, quia pacem vénerim míttere in terram: non veni pacem míttere, sed gládium. Veni enim separáre hóminem advérsus patrem suum, et fíliam advérsus matrem suam, et nurum advérsus socrum suam: et inimíci hóminis doméstici ejus. Qui amat patrem aut matrem plus quam me, non est me dignus: et qui amat fílium aut fíliam super me, non est me dignus. Et qui non áccipit crucem suam, et séquitur me, non est me dignus. Qui invénit ánimam suam, perdet illam: et qui perdíderit ánimam suam propter me, invéniet eam. Qui récipit vos, me récipit: et qui me récipit, récipit eum, qui me misit. Qui récipit prophétam in nómine prophétæ, mercédem prophétæ accípiet: et qui récipit justum in nómine justi, mercédem justi accípiet. Et quicúmque potum déderit uni ex mínimis istis cálicem aquæ frígidæ tantum in nómine discípuli: amen, dico vobis, non perdet mercédem suam.

Offertorium. Ps. 8, 6-7. Glória et honóre coronásti eum: et constituísti eum super ópera mánuum tuárum, Dómine.

Secreta. Súscipe, quǽsumus, Dómine, múnera dignánter obláta: et, beáti Valentini Mártyris tui suffragántibus méritis, ad nostræ salútis auxílium proveníre concéde. Per Dóminum.

Communio. Matth. 16, 24. Qui vult veníre post me, ábneget semetípsum, et tollat crucem suam, et sequátur me.

Postcommunio. Sit nobis, Dómine, reparátio mentis et córporis cœléste mystérium: ut, cujus exséquimur actiónem, intercedente beáto Valentíno Mártyre tuo, sentiámus efféctum. Per Dóminum.

LDVM